गणदेव! मोरिया मन रा आज बुलावै आर्यदेव!
Gandev! Moriya Man Ra Aj Bulavai Aryadev!
2961
गणदेव! मोरिया मन रा आज बुलावै आर्यदेव! — Lyrics
गणदेव! मोरिया मन रा आज बुलावै आर्यदेव! गणदेव! तुलसी नित उठ रटन लगावै आर्यदेव! गणदेव! खिण-खिण तुलसी-तुलसी ध्यावै आर्यदेव! लाखां लोगां पर कर्यो, शासण शासण-नाथ, कोड़ा रै दिल में बस्या, हुयो जमानो साथ। गुरुदेव! जस रा गीत समीर सुणावै आर्यदेव! पुण्याई रा पोरसा, मोड़ी युग री धार, गण गिगनारां पर चढ्यो, ओ थांरो उपकार। गुरुदेव! अब ओ करजो किंयां चुकावै आर्यदेव! अस्थिर ओ संसार है, पढ़ी शास्त्र में बात, देखी आंख्यां काळ री, निष्ठुरता साक्षात। गुरुदेव! बै स्मृतियां ही दिल दहलावै आर्यदेव! दरियो इमरत स्यूं, भर्यो लहरातो दिन-रात, मीन पियासी नीर में, साची निकळी बात। गुरुदेव! म्हारी स्याणप अब पिछतावै आर्यदेव! खुलती पलकां फैलतो, आतप और उजास, खुल्या नयण बै एक दिन, करग्या जगत हताश। गुरुदेव! बा आसाढ़ी तीज सिदावै आर्यदेव! महाप्राण प्रस्थान सुण, रुकी विश्व री सांस, अटक्या बोल जुबान में, पड़ी गलै में फांस। गुरुदेव! सोच्यो कुणं आ खबर उड़ावै आर्यदेव ! धुंधलो धुंधलो सो हुयो, सूरज मध्य दुफेर, दबै पांव झट मौत भी, आई अवसर देख। गुरुदेव! धरती अम्बरियो कुरलावै आर्यदेव! एक-एक वासर गिण्यो, बीत्यो पूरो साल, दरसण दिया न आर्यवर, हुयो हाल-बेहाल। गुरुदेव! अडिकां कद संभाल लिरावै आर्यदेव! अन्तिम शिक्षा रूप में, लिख्यो न कोई लेख, महाप्रज्ञ! अनुशासना ल्यो, निज निजरां देख। गुरुदेव! गण आस्था रो अर्घ्य चढ़ावै आर्यदेव!
Roman Transliteration
gandev! moriya man ra aj bulavai aryadev! gandev! Tulsi nit uth ratan lagavai aryadev! gandev! khin-khin Tulsi-Tulsi dhyavai aryadev! lakhan logan par karyo, shasan shasan-nath, koda rai dil men basya, huyo jamano sath. Gurudev! jas ra git samir sunavai aryadev! punyai ra porsa, modi yug ri dhar, gan gignaran par chadhyo, o thanro upakar. Gurudev! ab o karjo kinyan chukavai aryadev! asthir o sansar hai, padhi shastra men bat, dekhi ankhyan kal ri, nishthurta sakshat. Gurudev! bai smritiyan hi dil dahlavai aryadev! dariyo imarat syun, bharyo lahrato din-rat, min piyasi nir men, sachi nikli bat. Gurudev! mhari syanap ab pichhtavai aryadev! khulti palkan phailto, atap aur ujas, khulya nayan bai ek din, karagya jagat hatash. Gurudev! ba asadhi tij sidavai aryadev! mahapran prasthan sun, ruki vishva ri sans, atakya bol juban men, padi galai men phans. Gurudev! sochyo kunam a khabar udavai aryadev ! dhundhlo dhundhlo so huyo, suraj madhya dupher, dabai panv jhat maut bhi, ai avasar dekh. Gurudev! dharti ambariyo kurlavai aryadev! ek-ek vasar ginyo, bityo puro sal, darasan diya n aryavar, huyo hal-behal. Gurudev! adikan kad sambhal liravai aryadev! antim shiksha rup men, likhyo n koi lekh, Mahapragya! anushasna lyo, nij nijran dekh. Gurudev! gan astha ro arghya chadhavai aryadev!