जागो जागो अब जागणै री वेळा आई है।
Jago Jago Ab Jagnai Ri Vela Ai Hai.
978
जागो जागो अब जागणै री वेळा आई है। — Lyrics
जागो जागो अब जागणै री वेळा आई है। रात बीतगी, प्रभात री बाजी शहनाई है।।
१. काळ अनंतो यूं ही बीत्यो, बूंद-बूंद जीवन-रस रीत्यो, मान च्यानणो, अंधेरै रै घाली गळबांही है।
२. पसवाड़ो थे फेरो भाई, आंख्यां खोलो ल्यो अंगड़ाई, देखो किरणां थारै द्वार पर थपकी लगाई है।
३. ईं अवसर भी जो नहीं जाग्या, भव-सागर रै पार न लाग्या, तो फिर हाथ आई बाजी नै विस्था गमाई है।
४. लाखीणो है मिनख-जमारो, अध्यातम स्यूं खूब संवारो, 'बुद्ध' आ ही एक सागै चालै जिसी कमाई है।
Roman Transliteration
jago jago ab jagnai ri vela ai hai. rat bitgi, prabhat ri baji shahnai hai..
1. kal ananto yun hi bityo, bund-bund jivan-ras rityo, man chyanno, andherai rai ghali galbanhi hai.
2. pasvado the phero bhai, ankhyan kholo lyo angadai, dekho kirnan tharai dvar par thapki lagai hai.
3. in avasar bhi jo nahin jagya, bhav-sagar rai par n lagya, to phir hath ai baji nai vistha gamai hai.
4. lakhino hai minakh-jamaro, adhyatam syun khub sanvaro, 'buddha' a hi ek sagai chalai jisi kamai hai.