माता त्रिशला रा सपना
Mata Trishla Ra Sapna
1451
माता त्रिशला रा सपना — Lyrics
माता त्रिशला रा सपना
जिनन्द माय दीठा हो सुपना सार।। दसमां स्वर्ग थकी च्यव्या जी, चौबीसमां जिनराय। चौदह सपना देखिया जी, त्रिशला देवी जी माय।।१।।
पहिले गयवर देखिया जी, सुण्डा दण्ड प्रचण्ड। दूजे वृषभ देखिया जी, धोरा धोरी सण्ड।।२।।
तीजो सिंह सुलक्षणो जी, करतो मुख आवास। चोथे लक्ष्मी देवता जी, कर रह्यो लील बिलास।।३।।
पंच वर्ण कुसमा तणी जी, मोटी देखी फूलमाल। छठो चन्द उजासियो जी, अमिय झरंत रसाल।।४।।
सूरज उग्यो तेज स्यूस्यूं जी, किरणा झाक झमाल। फरकती देखी ध्वजा जी, ऊंची अति असराल।।५।।
कुम्भ कलश रत्नां जड्यो जी, उदग भर्यो सुविशाल। कमल फूलां को ढांकणो जी, नवमों स्वप्न रसाल।।६।।
पद्म सरोवर जल भर्यो जी, कमल करी शोभाय। देव देवी रंगमें रमै जी, दीठा ही आवै दाय।।७1।
क्षीर समुद्र जल भर्यो जी, तेनो मीठो वार। दूध जिस्यो पानी भर्यो जी, जेहनो छेह न पार।।८।।
(लय : रावण राय आशा)
मोत्यां केरा झूमका जी, दीठो देव विमान। देव देवी रंग में रमै जी, आवंता आसमान।।९।।
रतनां री राशि निर्मली जी, दीठो सुपन उदार। दीठो सुपनों तेरहवों जी, हियड़े हरघ अपार।।१०।।
ज्वाला देखी दीपती जी, अग्नि शिखा बहु तेज। जितरे जाग्या पद्मनी जी, कर सपना सूं हेज।।११।।
गज गति चाले मलकती जी, पहुंता राजन पास। भद्रासन आसन दियो जी, पूछे राय हुलास।।१२।।
सुपना सुण राय हरषियो जी, किनो स्वप्न विचार। तीर्थंकर तुम जनमस्यो जी, हम कुल नो आधार।।१३।।
परभाते पण्डित तेड़िया जी, कीनो स्वप्न विचार। तीर्थंकर चक्रवर्ती होसी जी, तीन लोक नो आधार।।१४।।
पण्डितां ने बहु धन दियो जी, वस्त्र नै फूलमाल। गर्भमास पूरा थया जी, जन्मा है पुण्यवन्त बाल।।१५।।
चौसठ इन्द्र आणिया जी, छप्पन दिसाकुमार। अशुचिकर्म निवारनै जी, गावै मंगलाचार।।१६।।
प्रतिबिम्ब घर में धरियो जी, माता ने विश्वास। शक्रेन्द्र लियो हाथ में जी, पञ्च रूप प्रकाश।।१७।।
एक शक्रेन्द्र लियो हाथ में जी, दोय पासे चंवर ढुलाय। एक बज्र लई हाथ में जी, एक छत्र कराय।।१८।।
मेरु शिखर न्हवराविया जी, तेनों बहु विस्तार। इन्द्रांदिक सुर नाचिया जी, नाची है अप्सरा नार।।१९।।
अठाई महोत्सव सुर करै जी, द्वीप नंदीश्वर जाय। गुण गावै प्रभुजी तणां जी, हियड़ै हर्ष अपार।।२०।।
सिद्धार्थ का नन्द है जी, त्रिशला देवी नां कुमार। कर्म खपाई मुक्ति गया जी, बर्त्या जय जयकार।।२१।।
परभाते सुपना जे भणै जी, भणतां ही आनन्द थाय। रोग शोग दूरा टलै जी, अशुभ कर्म सब जाय।।२२।।
Roman Transliteration
mata trishla ra sapna
jinanda may ditha ho supna sar.. dasman svarga thaki chyavya ji, chaubisman jinray. chaudah sapna dekhiya ji, trishla devi ji maya..1..
pahile gayavar dekhiya ji, sunda danda prachanda. duje vrishabh dekhiya ji, dhora dhori sanda..2..
tijo sinh sulakshano ji, karto mukh avas. chothe Lakshmi devta ji, kar rahyo lil bilasa..3..
panch varna kusma tani ji, moti dekhi phulmal. chhatho chanda ujasiyo ji, amiy jharant rasala..4..
suraj ugyo tej syusyun ji, kirna jhak jhamal. pharakti dekhi dhvaja ji, unchi ati asarala..5..
kumbha kalash ratnan jadyo ji, udag bharyo suvishal. kamal phulan ko dhankno ji, navmon svapna rasala..6..
padma sarovar jal bharyo ji, kamal kari shobhay. Dev devi rangmen ramai ji, ditha hi avai daya..71.
kshir samudra jal bharyo ji, teno mitho var. dudh jisyo pani bharyo ji, jehno chheh n para..8..
(lay : ravan ray asha)
motyan kera jhumka ji, ditho Dev viman. Dev devi rang men ramai ji, avanta asamana..9..
ratnan ri rashi nirmali ji, ditho supan udar. ditho supnon terahvon ji, hiyde haragh apara..10..
jvala dekhi dipti ji, agni shikha bahu tej. jitre jagya padmani ji, kar sapna sun heja..11..
gaj gati chale malakti ji, pahunta rajan pas. bhadrasan asan diyo ji, puchhe ray hulasa..12..
supna sun ray harshiyo ji, kino svapna vichar. Tirthankar tum janamasyo ji, ham kul no adhara..13..
parbhate pandit tediya ji, kino svapna vichar. Tirthankar chakravarti hosi ji, tin lok no adhara..14..
panditan ne bahu dhan diyo ji, vastra nai phulmal. garbhamas pura thaya ji, janma hai punyavanta bala..15..
chausath Indra aniya ji, chhappan disakumar. ashuchikarma nivarnai ji, gavai manglachara..16..
pratibimba ghar men dhariyo ji, mata ne vishvas. shakrendra liyo hath men ji, pancha rup prakasha..17..
ek shakrendra liyo hath men ji, doy pase chanvar dhulay. ek bajra lai hath men ji, ek chhatra karaya..18..
meru shikhar nhavraviya ji, tenon bahu vistar. indrandik sur nachiya ji, nachi hai apsara nara..19..
athai mahotsav sur karai ji, dvip nandishvar jay. gun gavai prabhuji tanan ji, hiydai harsha apara..20..
siddhartha ka nanda hai ji, trishla devi nan kumar. Karm khapai mukti gaya ji, bartya jay jaykara..21..
parbhate supna je bhanai ji, bhantan hi ananda thay. rog shog dura talai ji, ashubh Karm sab jaya..22..