सारंगा तेरी याद में

म्हारै हिरदै में बसै तुलसी प्रभु रो नाम

Mharai Hirdai Men Basai Tulsi Prabhu Ro Nam

मुनि मधुकरजी · सारंगा तेरी याद में

Record no.2990

म्हारै हिरदै में बसै तुलसी प्रभु रो नाम — Lyrics

म्हारै हिरदै में बसै, तुलसी प्रभु रो नाम। स्मृति स्यूं ओझळ कद हुवै, पवन पुत्र रै राम।।

जीवन श्री चरणां धर्यो, जद स्यूं मैं आराध्य, आज्ञा इंगित ने सदा, समझ्यो म्हारो साध्य। गलती होगी के प्रभू, पधराया पर धाम।।

सेवक घणां ही आपरै, स्वामी म्हारै थे एक, सगळां कामां रै बिचै, लागी जाणै ब्रेक। कुण बतलासी थां बिना, कान पकड़कर काम।।

बात-बात में सीखड़ी, मिलती ही हर बार, कला सांतरी आपरी, देख चकित संसार। बोया बीज विकास रा, अबै मिलै है आम।।

उर्वर मस्तक सामने, कंप्यूटर भी फेल, अनुशासन हर बात में, बण्यो अनूठो खेल। गमतो ही कोनी, कठै भी लेणो विश्राम।।

स्मृतियां सारी आपरी, आवै पल-पल याद, पासो-सो पलट्यो प्रभू, टूटी मन मरजाद। मिलै कठै स्यूं बे अबै, अमरित रस रा जाम।।

महाप्रज्ञ महाप्राण रो, सर्वोत्तम अनुदान, युवाचार्य महाश्रमण रो, अद्भुत अनुसंधान। महाश्रमणी प्रभु कार्य में, जागृत है हर काम।।

सब कुछ है पर के पतो, सूना-सा क्यूं प्राण? सपना आता ही रवै, कियां मिटै आ कांण? ‘मधुकर’ रा महावीर थे, थे भिक्षु, जय स्वाम।।

1.Mhare Hirde Mein Base Tulsi Prabhu Ro Naam
2.यह भजन मुनि मधुकरजी द्वारा रचित एक भावपूर्ण श्रद्धांजलि है। इसमें पूज्य तुलसी प्रभु के प्रति गहरी भक्ति, प्रेम, स्मरण और कृतज्ञता व्यक्त की गई है। रचयिता ने उनके मार्गदर्शन, अनुशासन, दूरदृष्टि और प्रेरणा को याद करते हुए अपने हृदय की भावनाओं को सरल शब्दों में प्रस्तुत किया है। यह रचना गुरु के प्रति समर्पण और विरह के भावों से ओत-प्रोत है।

mharai hirdai men basai, Tulsi Prabhu ro nam. smriti syun ojhal kad huvai, pavan putra rai ram..

jivan shri charnan dharyo, jad syun main aradhya, ajna ingit ne sada, samajhyo mharo sadhya. galti hogi ke prabhu, padhraya par dham..

sevak ghanan hi aparai, Swami mharai the ek, saglan kaman rai bichai, lagi janai brek. kun batlasi than bina, kan pakadakar kam..

bat-bat men sikhdi, milti hi har bar, kala santri apari, dekh chakit sansar. boya bij vikas ra, abai milai hai am..

urvar mastak samne, kampyutar bhi phel, anushasan har bat men, banyo anutho khel. gamto hi koni, kathai bhi leno vishram..

smritiyan sari apari, avai pal-pal yad, paso-so palatyo prabhu, tuti man marjad. milai kathai syun be abai, amarit ras ra jam..

Mahapragya mahapran ro, sarvottam anudan, yuvacharya Mahashraman ro, adbhut anusndhan. mahashramni Prabhu karya men, jagrit hai har kam..

sab kuchh hai par ke pato, suna-sa kyun pran? sapna ata hi ravai, kiyan mitai a kann? ‘madhukar’ ra Mahavir the, the Bhikshu, jay svam..