मनवा नांय विचारी रे
Manva Nany Vichari Re
1668
मनवा नांय विचारी रे — Lyrics
मनवा नांय विचारी रे
मनवा नांय विचारी रे, लोभीड़ा नांय विचारी रे।। गर्भवास में रक्षा कीनी, सदा विहारी रे। बाहर काढ़ो नाथ! करस्यूं भक्ती थारी रे।।१।।
बालपणे में लाड लडायो, माता थारी रे। भर जवानी में आय लागी, तिरिया प्यारी रे।।२।।
कूड़ कपट कर माया जोड़ी, उम्र सारी रे। कौड़ी कौड़ी खातिर लेतो, राड़ उधारी रे।।३।।
सतगुरु बात ज्ञान की कीधी, लागी खारी रे। किण ही कह्यो भजन करो जब, काढी गारी रे।।४।।
वृद्ध भयो जब कहने लागी, घर को नारी रे। कद मरसी रे डैण, छूटै लार हमारी रे।।५।।
रुक गया कण्ठ दशों दरवाजा, मण्ड गयी घारी रे। पूंजी भई विराणी तू तो, अन्त भिखारी रे।।६।।
पीछे तू मन सोच कियो कछु, बणी न म्हारी रे। चौरासी भुगतेगो बन्दा, करणी थारी रे।।७।।
सतगुरु बात ज्ञान की कीधी, मानी सारी रे। अब तो नाथ मोय पार उतारो, लीधी शरण तिहारी रे।।८।।
(लय : भज मन प्रभु अविनाशी रे)
Roman Transliteration
manva nany vichari re
manva nany vichari re, lobhida nany vichari re.. garbhavas men raksha kini, sada vihari re. bahar kadho nath! karasyun bhakti thari re..1..
balapne men lad ladayo, mata thari re. bhar javani men ay lagi, tiriya pyari re..2..
kud kapat kar maya jodi, umra sari re. kaudi kaudi khatir leto, rad udhari re..3..
satguru bat jnan ki kidhi, lagi khari re. kin hi kahyo Bhajan karo jab, kadhi gari re..4..
vriddha bhayo jab kahne lagi, ghar ko nari re. kad marsi re dain, chhutai lar hamari re..5..
ruk gaya kantha dashon darvaja, manda gayi ghari re. punji bhai virani tu to, anta bhikhari re..6..
pichhe tu man soch kiyo kachhu, bani n mhari re. chaurasi bhugtego banda, karni thari re..7..
satguru bat jnan ki kidhi, mani sari re. ab to nath moy par utaro, lidhi sharan tihari re..8..
(lay : bhaj man Prabhu avinashi re)