प्राणी! कर्म समो नहीं कोई
Prani! Karm Samo Nahin Koi
2047
प्राणी! कर्म समो नहीं कोई — Lyrics
प्राणी! कर्म समो नहीं कोई
देव दानव तीर्थंकर गणधर, हरि हर नरवर सबला, कर्म प्रमाणे सुख दुख पाम्या, सबल हुआ महा निबला रे।। प्राणी! कर्म समो नहीं कोई। I१।।
आदीश्वरजी ने कर्म अटार्या, वर्ष दिवस रह्या भूखा। वीर नैं बारह वर्ष दुख दीधा, उपना ब्राह्मणी कूखा रे।।२।।
बत्तीस सहस्र देशां रो साहिब, चक्री सनत्कुमार। सोलह रोग शरीर में उपना, कर्म कियो तनु छार रे।।३।।
साठ सहस्र सुत मार्या एकण दिन, जोधा जवान नर जैसा। सगर हुवो महा पुत्र नो दुखियो, कर्म तणां फल ऐसा रे।।४।।
कर्म हवाल किया हरिचन्द नैं, बेची सुतारा राणी। बारह वर्ष लग मायै आण्यो, नीच तणे घर पाणी रे।।५।।
दधिवाहन राजा नी बेटी, चावी चंदनबाला। चौपद ज्यूं चौहटा में बेची, कर्मां तणा ए चाला रे।।६।।
सम्भूम नामे आठमो चक्री, कर्मां सागर नाख्यो। सोल सहस्र यक्ष ऊभा देखे, पिण किण ही नवि राख्यो रे।।७।।
ब्रह्मदत्त नामे बारहवीं चक्री, कर्मा कीधो आन्धो। इम जाणी प्राणी! थे काई, कर्म कोई मति बान्धो रे।।८।।
छप्पन करोड़ यादव नो साहिब, कृष्ण महाबली जाणी। अटवी मांही मुवो एकलड़ो, बिलबिलतो बिन पाणी रे।।९।।
पाण्डव पांच महा जूझारा, हारी द्रोपदी नारी। बारह वर्ष लग वन रड़बड़िया, भमिया जेम भिखारी रे।।१०।।
बीस भुजा दश मस्तक हूंता, लक्ष्मण रावण मार्यो। एकलड़े जग सहु नर जीत्यो, ते पिण कर्मां सूं हार्यो रे।।११।।
लक्ष्मण राम महा बलवन्ता, अरु सतवन्ती सीता। कर्म प्रमाणे सुख दु:ख पाम्या, बीतक बहुत-सा बीता रे।।१२।।
सम्यक्त्व धारी श्रेणिक राजा बेटे बान्ध्यो मुसका। धर्मी नर ने कर्मां धकायो, कर्मा सूं जोर न किसका रे।।१३।।
सती शिरोमणि द्रौपदी कहिये, जिण सम अवरं न कोई। पांच पुरुष नीं हुई ते नारी, पूर्व कर्म कमाई रे।।१४।।
आभा नगरी नो जे स्वामी, चावो राजा चन्द। माई माता कीधो कूकड़ो, कर्मा नाख्यो ते फन्द रे।।१५।।
ईश्वर देव पार्वती नारी, कर्ता पुरुष कहावै। अहनिशि महल श्मशान में वासो, भिक्षा भोजन खावै रे।।१६।।
सहस्र किरण सूर्य परितापी, रात दिवस रहे अटतो। सोलह कला शशधर जग चावो, दिन-दिन जावे घटतो रे।।१७।।
इम अनेक खंड्या नर कर्मे भांज्या ते पिण साजा। ऋषि हर्ष कर जोड़ी नैं विनवै, नमोनमो कर्म महाराजा रे।।१८।।
Roman Transliteration
prani! Karm samo nahin koi
Dev danav Tirthankar ganadhar, hari har naravar sabla, Karm pramane sukh dukh pamya, sabal hua maha nibla re.. prani! Karm samo nahin koi. I1..
adishvarji ne Karm atarya, varsha divas rahya bhukha. vir nain barah varsha dukh didha, upana brahmani kukha re..2..
battis sahasra deshan ro sahib, chakri sanatkumar. solah rog sharir men upana, Karm kiyo tanu chhar re..3..
sath sahasra sut marya ekan din, jodha javan nar jaisa. sagar huvo maha putra no dukhiyo, Karm tanan phal aisa re..4..
Karm haval kiya harichanda nain, bechi sutara rani. barah varsha lag mayai anyo, nich tane ghar pani re..5..
dadhivahan raja ni beti, chavi chandanbala. chaupad jyun chauhta men bechi, karman tana e chala re..6..
sambhum name athamo chakri, karman sagar nakhyo. sol sahasra yaksha ubha dekhe, pin kin hi navi rakhyo re..7..
brahmadatta name barahvin chakri, karma kidho andho. im jani prani! the kai, Karm koi mati bandho re..8..
chhappan karod yadav no sahib, Krishna mahabli jani. atavi manhi muvo ekaldo, bilbilato bin pani re..9..
pandav panch maha jujhara, hari dropdi nari. barah varsha lag van radabdiya, bhamiya jem bhikhari re..10..
bis bhuja dash mastak hunta, lakshman ravan maryo. ekalde jag sahu nar jityo, te pin karman sun haryo re..11..
lakshman Ram maha balavanta, aru satavanti sita. Karm pramane sukh du:kh pamya, bitak bahut-sa bita re..12..
samyaktva dhari shrenik raja bete bandhyo muska. dharmi nar ne karman dhakayo, karma sun jor n kiska re..13..
sati shiromni draupdi kahiye, jin sam avaram n koi. panch purush nin hui te nari, purva Karm kamai re..14..
abha nagri no je Swami, chavo raja chanda. mai mata kidho kukdo, karma nakhyo te phanda re..15..
ishvar Dev parvati nari, karta purush kahavai. ahanishi mahal shmashan men vaso, bhiksha bhojan khavai re..16..
sahasra kiran surya paritapi, rat divas rahe atato. solah kala shashadhar jag chavo, din-din jave ghatto re..17..
im anek khandya nar karme bhanjya te pin saja. rishi harsha kar jodi nain vinvai, namonmo Karm maharaja re..18..