पर्व पजूसण आयो,
Parva Pajusan Ayo,
2115
पर्व पजूसण आयो, — Lyrics
पर्व पजूसण आयो, निर्मलता साधो जीवन री, ओ संदेसो ल्यायो। पर्व पजूसण आयो।।
१. जैन धर्म रो है ओ भूषण, सब पर्वां रो राजा। तन-मन स्यूं आराध्यां कर दै, आत्म-गुणां नै ताजा। आध्यात्मिकता ने सरसावण, सावण जिंयां सुहायो।।
२. स्वयं स्वयं री बणो कसौटी, गुण-अवगुण नै परखो। दूजा निरखे बीं स्यूं पहली, अपणै भीतर निरखो। अष्टाह्निक अभ्यास बणासी, दृढ़ भीतरलो पायो।।
३. त्याग तपस्या रो ओ अवसर, मळ-मळ गंगा न्हावो। मोह-माया रो पल्लो छोड़ो, समता नै अपणावो। खातो फेर मिलाकर देखो, लाभ कितोक कमायो?
४. भादूड़ो मन भावण ल्यायो, आ इमरत री धारा। आपस में मिल साधर्मिक जन, पीवो पावो सारा। 'बुद्ध' पर्व री पावनता रो, लूंटो लाभ सवायो।।
Roman Transliteration
parva pajusan ayo, nirmalta sadho jivan ri, o sandeso lyayo. parva pajusan ayo..
1. Jain Dharm ro hai o bhushan, sab parvan ro raja. tan-man syun aradhyan kar dai, atma-gunan nai taja. adhyatmikta ne sarsavan, savan jinyan suhayo..
2. svayam svayam ri bano kasauti, gun-avagun nai parkho. duja nirkhe bin syun pahli, apanai bhitar nirkho. ashtahnik abhyas banasi, dridh bhitarlo payo..
3. tyag tapasya ro o avasar, mal-mal ganga nhavo. moh-maya ro pallo chhodo, samta nai apanavo. khato pher milakar dekho, labh kitok kamayo?
4. bhadudo man bhavan lyayo, a imarat ri dhara. apas men mil sadharmik jan, pivo pavo sara. 'buddha' parva ri pavanta ro, lunto labh savayo..