शासन कल्पतरू
Shasan Kalpatru
2284
शासन कल्पतरू — Lyrics
शासन कल्पतरू शासन कल्पतरू, उतरयो मोहरां रो चरू, राखो-राखो रखवाली।। बाबै भिक्खू रो उपगार, मानां जीवन भर आभार, ज्यांरी सांवरी सूरत तेरापंथ रो आधार।।
1. अलबेलो शासण आपां रो, सारां रै मन भावणो, मनहारो प्राणां स्यूं प्यारो, लागै घणो सुहावणो। इणरी ऊजली आभा स्यूं लेवां जीवन उजार।।
2. माता-पिता सो आसरो, ओ नन्दनवन-सो वास है, आश्वासन है दूबलां रो, सबळां रो विश्वास है। अनुपम शीतघर-सो है बण्यो सब ऋतुवां में सुखकार।।
3. गण आपां रो आपां गण रा, ओ आछो अनुबन्ध है, धागै में पिरोयी माळा, सारिसो सम्बन्ध है। युवकां बालकां भायां बायां में जागै ए संस्कार।।
4. एक है आचार, एक आचारज री आण है, एक ही विचार एक, कायदो रू काण है। अपणै एकता ही एकता रो सारो कारोबार।।
5. आण-काण लोप करै, शान अपणी सांवळी, साध और श्रावकां में, बात करै बावळी। उणनै 'रीड़ी-वाला सेठिया’ रो जाब जोरदार।।
6. संघ री शालीनता में, लीनता है राखणी, बारीकी स्यूं झांक आंख, पूरी-पूरी राखणी। 'मेहता बाववाला ऊमजी' रो आंकल्यो आचार।।
7. आसथा पर आंच, श्रद्धाशील किंयां आण दै, ऐर-गैर बात ऊपर, ध्यान किंयां जाण दै। इण में 'पटवोजी' रो पोज आवै सामनै साकार।।
8. 'आंचलियै! री आसथा रु 'पन्नै' री मरदानगी, 'गोठीजी' रो ज्ञाना 'भंवरो' वीरता री बानगी। 'हनुमंत' री इकतारी, 'दफ्तरी' सो धार-फार।।
9. भगती 'दूगड़ दूलजी' री, 'बादरियै' री बादरी, 'विरधोजी जीरावला' री, बहस बड़ी पाधरी। 'चन्दूबाई' री चतुराई आवै याद बारम्बार।।
10. आपणो है काम एक केन्द्र नै आराधणो, एक तान एक ध्यान, राधा-वेध साधणो। शेष सारी बातां गौण, चाहे लाख हो हजार।।
11. उतरती आलोचनां सुणवांनै बहरा कान हो, उतरती-पड़ती करवानै बन्द ही जबान हो। आपां खैरखवा रहवां, आठूं पहर खबरदार।।
12. अपछंदा अवनीत श्रावक-श्राविका या साध हो, 'जय जिनेन्द्र' दूर स्यूं, आ आपणी मरयाद हो। तोड़ देणी है तुरन्त जिल्हा-बंदी री कतार।।
13. आ है 'कामधेनु' गाय, देख्यां लागै सोहणी, ओ है रत्नां रो भंडार, बणणो रखिया-रोहिणी, ओ है आम्र-कुंज 'तुलसी' छाया शीतल सुप्यार।
Roman Transliteration
shasan kalpatru shasan kalpatru, utaryo mohran ro charu, rakho-rakho rakhvali.. babai bhikkhu ro upagar, manan jivan bhar abhar, jyanri sanvri surat Terapanth ro adhar..
1. alabelo shasan apan ro, saran rai man bhavno, manharo pranan syun pyaro, lagai ghano suhavno. inari ujali abha syun levan jivan ujar..
2. mata-pita so asaro, o nandanavan-so vas hai, ashvasan hai dublan ro, sablan ro vishvas hai. anupam shitaghar-so hai banyo sab rituvan men sukhkar..
3. gan apan ro apan gan ra, o achho anubandha hai, dhagai men piroyi mala, sariso sambandha hai. yuvkan balkan bhayan bayan men jagai e sanskar..
4. ek hai achar, ek acharaj ri an hai, ek hi vichar ek, kaydo ru kan hai. apanai ekata hi ekata ro saro karobar..
5. an-kan lop karai, shan apani sanvli, sadh aur shravkan men, bat karai bavli. unanai 'ridi-vala sethiya’ ro jab jordar..
6. Sangh ri shalinta men, linta hai rakhni, bariki syun jhank ankh, puri-puri rakhni. 'mehta bavvala umaji' ro ankalyo achar..
7. asatha par anch, shraddhashil kinyan an dai, air-gair bat upar, dhyan kinyan jan dai. in men 'patvoji' ro poj avai samnai sakar..
8. 'anchaliyai! ri asatha ru 'pannai' ri mardanagi, 'gothiji' ro jnana 'bhanvro' virta ri bangi. 'hanumant' ri ikatari, 'daphtari' so dhar-phar..
9. bhagti 'dugad dulji' ri, 'badriyai' ri badri, 'virdhoji jiravla' ri, bahas badi padhri. 'chandubai' ri chaturai avai yad barambar..
10. apano hai kam ek kendra nai aradhno, ek tan ek dhyan, radha-vedh sadhno. shesh sari batan gaun, chahe lakh ho hajar..
11. utarti alochnan sunvannai bahra kan ho, utarti-padti karvanai banda hi jaban ho. apan khairakhva rahvan, athun pahar khabardar..
12. apachhnda avanit shravak-shravika ya sadh ho, 'jay jinendra' dur syun, a apani maryad ho. tod deni hai turanta jilha-bandi ri katar..
13. a hai 'kamdhenu' gay, dekhyan lagai sohni, o hai ratnan ro bhandar, banno rakhiya-rohini, o hai amra-kunj 'Tulsi' chhaya shital supyar.