स्वामीजी रो शासण, म्हांनै घणो सुहावै जी।
Svamiji Ro Shasan, Mhannai Ghano Suhavai Ji.
2574
स्वामीजी रो शासण, म्हांनै घणो सुहावै जी। — Lyrics
स्वामीजी रो शासण, म्हांनै घणो सुहावै जी। वीर प्रभूजी रो आसण, म्हांनै घणो सुहावै जी। घणो सुहावै हृदय लुभाव, तारक तेरापंथ।।
१. मर्यादामय जीवन सारो, मर्यादा रो मान। आत्म-नियंत्रण अरु अनुशासन, है शासन री शान।।
२. एकाचार्य, एक समाचारी, एक प्ररूपण-पंथ। ओ नूतन अद्वित निकाल्यो, वाह! वाह! भीखणजी संत।।
३. पावस में प्रसरै, कै अपणो शीत-काल संकोच। निर्झरणी ज्यूं शासण-सरणी अन्तर-मन आलोच।।
४. सेवाभावी सुविनीतां रो बढ़े सहज बहुमान। खेतसी तथा रायचन्द ओ, ल्यो प्रत्यक्ष प्रमाण।।
५. निन्नाणूं रुपिया नोछी में, आयो विनय आचार। शेष एक बाकी, बाकी गुण स्वर्ण सुरभिसंचार।।
६. जो दतलबंदी रे दल-दल स्यूं, दूर रहै दश हाथ। संघ-हितेच्छू तिण री तुलना, 'रखिया' 'रोहिणी' साथ।।
७. विद्या भारभूत बण ज्यावै, कला कलंकित होय। नहिं धारी गणि-गण-इकतारी, वारी खूब विलोय।।
८. बा वक्तृत्व कला बेचारी, बिन वारी घन गाज। नहि विकसावै गण-वन-क्यारी, मूल बिना नहीं ब्याज।।
९. बात-बात, प्रवचन-प्रवचन में, गण गणपति रो नाम। सुविनीतां री सरल कसौटी, दो चावल कर थाम।।
१०. लिखित लेख ओ स्वामीजी रो, शासण री बुनियाद। हर वर्षे मर्याद-महोत्सव, 'तुलसी' तिणरी याद।।
११. सतरै पंचशया मुनि श्रमणी, श्रावक-संघ सजोर। पुर-सरदार त्रयोदश संवत, शासन हर्ष-विभोर।।
Roman Transliteration
svamiji ro shasan, mhannai ghano suhavai ji. vir prabhuji ro asan, mhannai ghano suhavai ji. ghano suhavai hriday lubhav, tarak terapanth..
1. maryadamay jivan saro, maryada ro man. atma-niyantran aru anushasan, hai shasan ri shan..
2. ekacharya, ek samachari, ek prarupan-panth. o nutan advit nikalyo, vah! vah! bhikhanji sant..
3. pavas men prasrai, kai apano shit-kal sankoch. nirjharni jyun shasan-sarni antar-man aloch..
4. sevabhavi suvinitan ro badhe sahaj bahuman. khetsi tatha rayachanda o, lyo pratyaksha praman..
5. ninnanun rupiya nochhi men, ayo vinay achar. shesh ek baki, baki gun svarna surbhisanchar..
6. jo datalabndi re dal-dal syun, dur rahai dash hath. Sangh-hitechchhu tin ri tulna, 'rakhiya' 'rohini' sath..
7. vidya bharbhut ban jyavai, kala kalnkit hoy. nahin dhari gani-gan-ikatari, vari khub viloy..
8. ba vaktritva kala bechari, bin vari ghan gaj. nahi viksavai gan-van-kyari, mul bina nahin byaj..
9. bat-bat, pravachan-pravachan men, gan ganapti ro nam. suvinitan ri saral kasauti, do chaval kar tham..
10. likhit lekh o svamiji ro, shasan ri buniyad. har varshe maryad-mahotsav, 'Tulsi' tinri yad..
11. satrai panchashya Muni shramni, shravak-Sangh sajor. pur-sardar trayodash sanvat, shasan harsha-vibhor..