स्वामीजी रो शासन म्हारै हियड़ै रो हार है।
Svamiji Ro Shasan Mharai Hiydai Ro Har Hai.
2575
स्वामीजी रो शासन म्हारै हियड़ै रो हार है। — Lyrics
स्वामीजी रो शासन म्हारै हियड़ै रो हार है। संयममय जीवन रो साचो आधार है, आध्यात्मिक परिवार है, रक्षक दृढ़ प्राकार है, म्हारे हियड़ै रो हार है।।
१. गहरी नींव लगाई बाबै, जो पाताळां में रुपगी। आतम रो विश्वास जग्यो, अश्रद्धा खोहां में छिपगी। संयम-पथ पर चालण रो नव संस्कार है।।
२. स्वामीजी रै इंगित पर म्हे, सारो जीवन ढाळां हां। अध्यातम में राता-माता, दूषण दूरा टाळां हां। मानां आचारज-आणा प्राणाधार है।।
३. गण म्हारो है, म्हे गण रा हां, ईं नै खूब संवारां ला। जीणो-मरणो गण रै खातिर, तन-मन ईं पर वारां ला। सघळां पर पूरो शासन रो उपकार है।।
४. उत्तम-उत्तम संत-सत्यां, ईं में इक-इक स्यूं बढ़या चढ्या। अनुशासन री जंती में, हंसता-हंसता हर बार कढ्या। मानो ओ चौथो आरो ही साकार है।।
५. छत्तीसै चोमास सफळ, फिर माघ-महोत्सव भी भेळो। 'बुद्ध' लग्यो सरदारशहर में च्यार तीर्थ रो ओ मेळो। लहरावै सुख रो भारी पारावार है।।
Roman Transliteration
svamiji ro shasan mharai hiydai ro har hai. sanyamamay jivan ro sacho adhar hai, adhyatmik parivar hai, rakshak dridh prakar hai, mhare hiydai ro har hai..
1. gahri ninv lagai babai, jo patalan men rupgi. atam ro vishvas jagyo, ashraddha khohan men chhipgi. sanyam-path par chalan ro nav sanskar hai..
2. svamiji rai ingit par mhe, saro jivan dhalan han. adhyatam men rata-mata, dushan dura talan han. manan acharaj-ana pranadhar hai..
3. gan mharo hai, mhe gan ra han, in nai khub sanvaran la. jino-marno gan rai khatir, tan-man in par varan la. saghlan par puro shasan ro upakar hai..
4. uttam-uttam sant-satyan, in men ik-ik syun badhya chadhya. anushasan ri janti men, hansta-hansta har bar kadhya. mano o chautho aro hi sakar hai..
5. chhattisai chomas saphal, phir magh-mahotsav bhi bhelo. 'buddha' lagyo sardarashahar men chyar tirtha ro o melo. lahravai sukh ro bhari paravar hai..