भवि! तुम चेतो रे
Bhavi! Tum Cheto Re
509
भवि! तुम चेतो रे — Lyrics
भवि! तुम चेतो रे
भवि! तुम चेतो रे। भवि! तुम चेतो रे, इम सतगुरु आखै, आणी आगम हेतो रे।। मानव रो भव पायो प्राणी, उत्तम कुल अवतारो रे। सुकृत सझे सो साझ चतुर नर, अहिलो जन्म मति हारो रे।।१।।
माथै बांधै पाग किलंगी, कानां पहिरै मोती रे। आयो आउखो अणचिंतवियो, सुन्दर रह गयी रोती रे।।२।।
मूरख नर मन में इम चिन्तै, हाट हवेली मेरा रे। ते पिण छोड़ चल्यो छिण मांही, हुवा जंगल में डेरा रे।।३।।
थोथी ममता मत कर प्राणी, के ल्यायो ले जासी रे। माल खजाना धर्या रहेगा, कोइय न आडो आसी रे।।४।।
दिन दिन आयू नेड़ो आवै, नींवा ऊंडी दिरावै रे। दिन-दिन तृष्णा अधिकी राखे, ते सुखिया किम थावै रे।।५।।
मात-पिता दारा सुत बंधव, स्वार्थ सहू नजीकै रे। संकट पड़ियां इह भव अलगा, पर भव कोई न दीखै रे।।६।।
मूरख नर मगरूर भयो छै, कर रह्यो म्हारो म्हारो रे। इक दिन छोड़ चले पर भव में, कुण बेली छै थांरो रे।।७।।
(लय : दारू दाखां रो)
साधपणो छै मोटो पदारथ श्रावक धर्म न चूको रे। शील नव कोटी सझै न थांस्यूं तो पर भामण म ढूको रे।।८।।
साध कहै तुम भविजन चेतो, संवर सामायिक कीजै रे। दान शील तप भावना चारूं, काईक तो आदरीजै रे।।९।।
धन धन साधू मोटा मुनिवर, पांचूं महाव्रत पूरा रे। त्यांरी सेवा भगत कियां सुं, कर्म पातक हुवै दूरा रे।१०।।
Roman Transliteration
bhavi! tum cheto re
bhavi! tum cheto re. bhavi! tum cheto re, im satguru akhai, ani agam heto re.. manav ro bhav payo prani, uttam kul avataro re. sukrit sajhe so sajh chatur nar, ahilo janma mati haro re..1..
mathai bandhai pag kilngi, kanan pahirai moti re. ayo aukho anachintviyo, sundar rah gayi roti re..2..
murakh nar man men im chintai, hat haveli mera re. te pin chhod chalyo chhin manhi, huva jangal men dera re..3..
thothi mamta mat kar prani, ke lyayo le jasi re. mal khajana dharya rahega, koiy n ado asi re..4..
din din ayu nedo avai, ninva undi diravai re. din-din trishna adhiki rakhe, te sukhiya kim thavai re..5..
mat-pita dara sut bandhav, svartha sahu najikai re. sankat padiyan ih bhav alaga, par bhav koi n dikhai re..6..
murakh nar magrur bhayo chhai, kar rahyo mharo mharo re. ik din chhod chale par bhav men, kun beli chhai thanro re..7..
(lay : daru dakhan ro)
sadhapno chhai moto padarath shravak Dharm n chuko re. shil nav koti sajhai n thansyun to par bhaman m dhuko re..8..
sadh kahai tum bhavijan cheto, sanvar Samayik kijai re. dan shil tap bhavna charun, kaik to adarijai re..9..
dhan dhan sadhu mota munivar, panchun mahavrat pura re. tyanri seva bhagat kiyan sun, Karm patak huvai dura re.10..