भारीमाल गणी
Bharimal Gani
388
भारीमाल गणी — Lyrics
भारीमाल गणी भारीमाल गणी, म्हारै माळा रो मणी। राखूं-राखूं हिरदै में।। पूरी-पूरी मन परतीत, प्रतिपल अविचल और अभीत। स्वामी भीखणजी री चरण-शरण में गयो जमारो जीत।।
1. अथ स्यूं इति तक स्वामीजी रो साथ निभायो सांतरो, गुरु-चेला में रही एकता कभी न आयो आंतरो, ओ तो प्रथम परीक्षण में ही बणग्यो शासण रो संगीत।।
2. कर्म-धर्म री कड़ी कसौटी आई शिशु रै सामने, किण नै छोड़ूं? किण नै जोड़ूं? पूछयो आतमराम नै, छोड़ करम नै छटकै, झटकै जोड़ी परम धरम स्यूं प्रीत।।
3. उदाहरण साकार, सुगुरु में पूर्ण समर्पण भाव रो सजग शांत स्वाध्यायी, दृढ़-अनुयायी भद्र स्वभाव रो, तन कपड़ै ज्यूं रहतो, इंगित वहतो सुखदाई सुविनीत।।
4. स्वामीजी रो सो साहित्य निहारयो आंतर लोचना, लेखबद्ध कर डारयो खूब समारयो कर आलोचना, पानां जीर्णशीर्ण-सा, पर हस्ताक्षर मोती जिसा पुनीत।।
5. बत्तीसै में युवाचार्य आचार्य अठारै साठ में, अठंतरै में स्वर्ग सिधाया, राजनगर गहघाट में, स्वामीजी रो नाम उजाळ्यो राखी स्वामीजी री रीत।।
6. पदवी जोग 'तिलोग' बतायो भोळा 'भारीमालजी' स्वामीजी रो सहज्यां शब्द निकळग्यो सूरत भालजी पायो सूरी नहिं तो सूरदास पद जंगल में बदनीत।।
7. भागी भारमल्लजी, बागी दुखी बण्या एकेक हो शासण रा अनुरागी निखरया, निपट निरंतर नेक हो, गंगाशे'र लीला-ले'र 'तुलसी' आवै याद अतीत।।
Roman Transliteration
bharimal gani bharimal gani, mharai mala ro mani. rakhun-rakhun hirdai men.. puri-puri man partit, pratipal avichal aur abhit. Swami bhikhanji ri charan-sharan men gayo jamaro jit..
1. ath syun iti tak svamiji ro sath nibhayo santro, Guru-chela men rahi ekata kabhi n ayo antaro, o to pratham parikshan men hi banagyo shasan ro sangit..
2. Karm-Dharm ri kadi kasauti ai shishu rai samne, kin nai chhodun? kin nai jodun? puchhyo atamram nai, chhod karam nai chhatkai, jhatkai jodi param dharam syun prit..
3. udaharan sakar, suguru men purna samarpan bhav ro sajag shant svadhyayi, dridh-anuyayi bhadra svabhav ro, tan kapdai jyun rahto, ingit vahto sukhdai suvinit..
4. svamiji ro so sahitya niharyo antar lochna, lekhabaddha kar daryo khub samaryo kar alochna, panan jirnashirna-sa, par hastakshar moti jisa punit..
5. battisai men yuvacharya Acharya atharai sath men, athantrai men svarga sidhaya, rajanagar gahghat men, svamiji ro nam ujalyo rakhi svamiji ri rit..
6. padvi jog 'tilog' batayo bhola 'bharimalji' svamiji ro sahajyan shabda nikalagyo surat bhalji payo suri nahin to surdas pad jangal men badnit..
7. bhagi bharamallaji, bagi dukhi banya ekek ho shasan ra anuragi nikharya, nipat nirantar nek ho, gangashe'r lila-le'r 'Tulsi' avai yad atit..