ले चालू तन खेत

अलख जगावां

Alakh Jagavan

आचार्य तुलसी · ले चालू तन खेत

गीत क्रमांक180

अलख जगावां — Lyrics

अलख जगावां अलख जगावां स्वामीजी रे नाम री, झुक-झुक करां प्रणाम, प्यारो लागै है, सांवरिये रो नाम, माळा फेरां हां, रोज सवेरे शाम।।

1. मरुधर रो वीरो, कोहिनूर हीरो, चमक्यो देश-प्रदेश। जनम्यो कांटां में, रम्यो हो भाटां में, ल्यायो नव-उन्मेष।।

2. बरस्यो हो इमरत, लोग हुआ तिरपत, जाग उठी तकदीर। धर्म री विवेचना, मर्म भरी देशना, तोड़ी भव जंजीर।।

3. तत्त्व प्रतिबोधी, मिलावट विरोधी, सिरियारी रो सन्त। साधुपण पाळै, न्याय पथ चालै, वो मतिमान महन्त।।

4. एक अनुशासना, बिना है विकास ना, अनुशासित ओ संघ। शुद्ध रीत नीत हो, गुरुवां पर परतीत हो, परमानन्द प्रसंग।।

5. स्वामीजी रो आसरो, केन्द्र विश्‍वास रो, अन्तर्मन रो राम। संकट कटै है, विघन मिटै है, सिद्ध हुवै सब काम।।

6. 'तुलसी, रे परताप स्यूं, भिक्षु भिक्षु जाप स्यूं, आठूंपहर आराम। ग्राम सिरियारी, सुरगां री फुलवारी, पावन तीरथधाम।।

alakh jagavan alakh jagavan svamiji re nam ri, jhuk-jhuk karan pranam, pyaro lagai hai, sanvriye ro nam, mala pheran han, roj savere sham..

1. marudhar ro viro, kohinur hiro, chamakyo desh-pradesh. janamyo kantan men, ramyo ho bhatan men, lyayo nav-unmesh..

2. barasyo ho imarat, log hua tirapat, jag uthi takdir. Dharm ri vivechna, marma bhari deshna, todi bhav janjir..

3. tattva pratibodhi, milavat virodhi, siriyari ro santa. sadhupan palai, nyay path chalai, vo matiman mahanta..

4. ek anushasna, bina hai vikas na, anushasit o sangh. shuddha rit nit ho, guruvan par partit ho, parmananda prasang..

5. svamiji ro asaro, kendra vishvas ro, antarman ro ram. sankat katai hai, vighan mitai hai, Siddha huvai sab kam..

6. 'Tulsi, re partap syun, Bhikshu Bhikshu jap syun, athumpahar aram. gram siriyari, surgan ri phulvari, pavan tirathdham..