बीत्यो इम पखवाड़ो जावै
Bityo Im Pakhvado Javai
519
बीत्यो इम पखवाड़ो जावै — Lyrics
बीत्यो इम पखवाड़ो जावै
अनादी पंख बीत्यो जावै, कुमति संग राचत दु:ख पावै, सुमति रस पीधां सुख थावै मिथ्या तम भरम दूर जावै। एकम कहे तू एकलो, चिहुंगति होत फजीत, कर्म भरम वश दु:ख सह्या अब, तजो अनादी रीत। प्रीत निज-गुण धर समभावे, बीत्यो इम पखवाड़ो जावै।।१।।
अनादी पुद्गल संग रातो, फिरत भव सिन्धू मदमातो, अरहट घटका जिम अंत नातो, बन्धवश निज गुण नहिं पातो, द्वितीया वे बन्धन तजो, रागद्वेष विकराल, द्विविधे धर्म समाचरो जि काई, तोड़ महा अन्ध जाल, परमगति अजरामर पावै।।२।।
ममतवश राच मिथ्या मत में, अन्ध शठ लीन विषय रस में, अनादि मोह निद्रा सूतो, चेत हिवे पर पख तज तूं तो, तीज रत्न त्रय आदरो, देव गुरु धर्म धार, शुद्ध श्रद्धा हृदये धरो कांई, पुद्गल स्नेह निवार, आतमा निज स्वभाव आवै।।३।।
अज्ञानी कुगुरु कुसंग धारी, हिंसा धर्म जहर पीयो भारी, ममत पक्षपात ग्रही जूझे, मोहवश संवलो नहिं सूझे, चौथ चौकड़ी संग सही, तन मन वृथा अथाय, काल अनन्तो वह गयो, अब सोच देख मन मांय, परम दुख परवश इम पावै।।४।।
(लय : नेमजी की जान)
अस्थिर तन धन यौवन तेरा, वेग चञ्चल सरिता केरा, अस्थिर सहु पुद्गल की माया, मूर्ख इण संग क्यों लोभाया, पञ्चमी पांचो वश करो, धरो सुसम्बर वेष, निज गुण आलम्बन करी काई, तजो राग अरु द्वेष, श्रेणी चढ़ वीतराग थावै।।५।।
जनक माता भगिनी भाई, त्रिया सुत सैन्य मिल्या आई, तमाशा पुद्गल का प्यारा, तेरा नहिं तूं इनसूं न्यारा, छह षट् काय हिंसा तजो, दया धर्म दिल धार, मोह दशा अलगी करो कांई, निज सत्ता सुखकार, ध्यानामृत पीधां सुख पावै।।६।।
आत्मा कर्मां री कर्त्ता, यही कर्मां री निर्जरता, यही है सुख दुख री दाता, रम्यां इनमें पामे साता, सप्तमी सात निवारिये, कुव्यसन महा दुखदाय, दुर्गति कारण शिव रिपु काई, रक्त अज्ञान अथाय, प्रबल दु:ख आप किया पावै।।७।।
रमणी रंगरातो मतवालो, लगावै आत्मा नै काळो, शिक्षा सतगुरु की नहिं लागी, अधोगति जाय कुमति रागी, अष्टमी आठों मद तजो, अष्ट रिपू जडजार, आठों गुण प्रगट हुवै काई, शिवसुन्दर सुखसार, द्विदुख में फेर नहीं आवै।।८।।
जगत सहु इन्द्रजाल जानी, विषय तृष्णा तज वर प्राणी कषायाग्नी अलगी कीजे, प्रवर ज्ञानामृत रस पीजे, नवमी नव तत्वा भणी, श्रद्धै यथार्थ सार, बाड़ अभंगव्रत आदरो काई, ध्यान विमल वर धार, चढ़ो गुण श्रेणी शुद्ध भावै।।९।।
कामिनी कनक फन्द फंसियो, लिप्त मोह जाल विषय रसियो। नरक फुन निगोद में जाई, परम पीड़ा सहि संकड़ाई। दशमी दशविध आदरो, श्रमण धर्म सुविनीत। अविनय उलझ्या बापड़ा काई, भव भव होत फजीत। पन्थ शुध हाथ नहीं आवै।।१०।।
अहिंसा आण विनय आख्यो, मूल धर्म जिन आगम भाख्यो। भ्रम वश भूल रहा अन्धा, विमुख शठ इनसूं स्वच्छन्दा। एकादश पड़िमा बहो, उपासक धर्म उदार। प्रवर चरण फुन धार के कांई, पामो भवोदधि पार। अचल सुख शिव मन्दिर पावै।।११।।
सारै नित सतगुरु की सेवा, मिलै मनवांछित फल मेवा। अपूर्व बोध बीज आवे, लखे निज स्वरूप सम भावे। द्वादश विध तप आदरो, कटे कर्म अरिव्रन्द। निज आत्मा अन्तर रमो कांई, उपशम रसना कन्द। परम समाधि शान्ति थावै।।१२।।
अकर कम्प रोग बिहुं भाई, निबिड़ बन्ध दोनों दु:खदाई। कम्प दुख वर्तमान जानी, अकर आगामी पहिचानी। त्रयोदशी तेरह परिहरो, कर्म काठिया दूर। मोह छाक अलगी करो काई, निज गुण सुख भरपूर। चरण तप धर समचित भावै।।१३।।
मूलधर्म बोध-बीज पावे, सफल क्रिया करणी थावे। ज्ञान बिन क्रिया सहू करणी, तुच्छ फल छार लेप वरणी। चौदहवें गुणस्थान चढ़ो, क्षपक श्रेणि धरि खन्त। घाती कर्म खपायनै काई, लहे केवल वृत्तन्त। आत्मा परमात्मा धावै।।१४।।
चरण तप भग दर्शन वारू, मुक्ति मग आख्या जिन चारूं। एह विन सीज्यो को नाहीं, कस्यो शिवपन्थ जैन मांही। पूनम पणदश भेदस्यूं, सीज्या सिद्ध अनन्त। भाव धरी भजिये सदा कांई, अरिहन्त श्रमण महन्त! प्रणमतां परमानन्द पावै।।१५।।
गणाधिप जयवर यशधारी, भजो भवि सम्प्रति सुखकारी। सुगुरु सुप्रसादे सुमति आई, शहर सरदार मांही गाई। उगणीसै इकतीसमें, भाद्रव सुद गुरुवार। तिथि षष्ठी कुम्भो भणै कांई, सन्तोष मति अनुसार। सुणत आह्लाद हृदय आवै।।१६।।
Roman Transliteration
bityo im pakhvado javai
anadi pankh bityo javai, kumti sang rachat du:kh pavai, sumti ras pidhan sukh thavai mithya tam bharam dur javai. ekam kahe tu ekalo, chihungti hot phajit, Karm bharam vash du:kh sahya ab, tajo anadi rit. prit nij-gun dhar sambhave, bityo im pakhvado javai..1..
anadi pudgal sang rato, phirat bhav sindhu madmato, arahat ghatka jim ant nato, bandhavash nij gun nahin pato, dvitiya ve bandhan tajo, ragadvesh vikral, dvividhe Dharm samachro ji kai, tod maha andha jal, paramagti ajaramar pavai..2..
mamatavash rach mithya mat men, andha shath lin vishay ras men, anadi moh nidra suto, chet hive par pakh taj tun to, tij ratna tray adaro, Dev Guru Dharm dhar, shuddha shraddha hridye dharo kani, pudgal sneh nivar, atama nij svabhav avai..3..
ajnani kuguru kusang dhari, hinsa Dharm jahar piyo bhari, mamat pakshapat grahi jujhe, mohavash sanvlo nahin sujhe, chauth chaukdi sang sahi, tan man vritha athay, kal ananto vah gayo, ab soch dekh man many, param dukh paravash im pavai..4..
(lay : nemji ki jan)
asthir tan dhan yauvan tera, veg chanchal sarita kera, asthir sahu pudgal ki maya, murkha in sang kyon lobhaya, panchami pancho vash karo, dharo susambar vesh, nij gun alamban kari kai, tajo rag aru dvesh, shreni chadh vitrag thavai..5..
janak mata bhagini bhai, triya sut sainya milya ai, tamasha pudgal ka pyara, tera nahin tun inasun nyara, chhah shat kay hinsa tajo, daya Dharm dil dhar, moh dasha alagi karo kani, nij satta sukhkar, dhyanamrit pidhan sukh pavai..6..
atma karman ri kartta, yahi karman ri nirjarta, yahi hai sukh dukh ri data, ramyan inamen pame sata, saptami sat nivariye, kuvyasan maha dukhday, durgati karan shiv ripu kai, rakta ajnan athay, prabal du:kh ap kiya pavai..7..
ramni rangrato matvalo, lagavai atma nai kalo, shiksha satguru ki nahin lagi, adhogti jay kumti ragi, ashtami athon mad tajo, ashta ripu jadjar, athon gun pragat huvai kai, shivsundar sukhsar, dvidukh men pher nahin avai..8..
jagat sahu indrajal jani, vishay trishna taj var prani kashayagni alagi kije, pravar jnanamrit ras pije, navmi nav tatva bhani, shraddhai yathartha sar, bad abhangavrat adaro kai, dhyan vimal var dhar, chadho gun shreni shuddha bhavai..9..
kamini kanak phanda phansiyo, lipta moh jal vishay rasiyo. narak phun nigod men jai, param pida sahi sankdai. dashmi dashvidh adaro, shraman Dharm suvinit. avinay ulajhya bapda kai, bhav bhav hot phajit. pantha shudh hath nahin avai..10..
Ahimsa an vinay akhyo, mul Dharm Jin agam bhakhyo. bhram vash bhul raha andha, vimukh shath inasun svachchhanda. ekadash padima baho, upasak Dharm udar. pravar charan phun dhar ke kani, pamo bhavoddhi par. achal sukh shiv mandir pavai..11..
sarai nit satguru ki seva, milai manvanchhit phal meva. apurva bodh bij ave, lakhe nij svarup sam bhave. dvadash vidh tap adaro, kate Karm arivranda. nij atma antar ramo kani, upasham rasna kanda. param samadhi shanti thavai..12..
akar kampa rog bihun bhai, nibid bandha donon du:khadai. kampa dukh vartaman jani, akar agami pahichani. trayodshi terah parihro, Karm kathiya dur. moh chhak alagi karo kai, nij gun sukh bharpur. charan tap dhar samchit bhavai..13..
muladharma bodh-bij pave, saphal kriya karni thave. jnan bin kriya sahu karni, tuchchha phal chhar lep varni. chaudahven gunasthan chadho, kshapak shreni dhari khanta. ghati Karm khapaynai kai, lahe keval vrittanta. atma parmatma dhavai..14..
charan tap bhag darshan varu, mukti mag akhya Jin charun. eh vin sijyo ko nahin, kasyo shivapantha Jain manhi. punam panadash bhedasyun, sijya Siddha ananta. bhav dhari bhajiye sada kani, arihanta shraman mahanta! pranamtan parmananda pavai..15..
ganadhip jayavar yashdhari, bhajo bhavi samprati sukhkari. suguru suprasade sumti ai, shahar sardar manhi gai. uganisai ikatismen, bhadrav sud guruvar. tithi shashthi kumbho bhanai kani, santosh mati anusar. sunat ahlad hriday avai..16..