बाबा ऋषभ एकला,
Baba Rishabh Ekala,
329
बाबा ऋषभ एकला, — Lyrics
बाबा ऋषभ एकला, आज देखो घूम रह्मा रे देखो, लोग सारा झूम रह्या रे पूछां, बात कांई जायनैं रे...। अै मुखमल सा पगल्या... तावड़ो लग जाएं पूछां—बात...। ओ नाथ है नगीनो, चुवै है पसीनो... राज तज दीन्हो, कांटा रो पथ लीन्हो... अै मुखमल...।।ध्रु.।।
आओ आओ छतरी ताणां, पहरावां नूंआ बाणां। वैसाखी लू लग जाए रे, सांवरिया ल्यो स्वीकारो।।
बाबा ल्यो माणक मोती, ए रुपया है कलधौती। क्यूं राजभवन तज आए रे, मानो मुनहारां मानो।।
क्यूं चालो प्रभु अलवाणा, वाहन ले ल्यो मनमाना। गज अश्व पालकी मांय रे, प्रभुवर अब वेग विराजो।।
बाबा भूखा कुण जाणै, चीजां अद्भुत ल्या धामै। नहीं बाबा नज़र मिलाए रे, बस आगै बढ़ता जावै।।
पड़पोतो ली अंगड़ाई, सपने री स्मृतियां आईं। कुण महासुमेरू सोचै रे, दी मूरत वा दिखलाई।।
पिछलो भव ताजा हूग्यो, झटपट चरणां में पूग्यो। मैं धन्य करो घर आय रे, बाबाजी शीघ्र पधारो।।
इक्षुरस प्रभु स्वीकारो, पड़पोते नै उद्धारो। प्रभु बूक मांड दी आय रे, गूंज्यो जय-जय को नारो।।
हुई पांच दिव्य री वृष्टि, याचक दाता री सृष्टि। सगला ही अब पछताय रे, श्रेयांस लियो है लाहो।।
बा तीज बनी है अक्षय, पंचम आरै रो विस्मय। तपस्या रो ठाठ सुहाय रे, गुरु चरणां दिव्य नजारो।।
Roman Transliteration
baba Rishabh ekala, aj dekho ghum rahma re dekho, log sara jhum rahya re puchhan, bat kani jaynain re.... ai mukhamal sa pagalya... tavdo lag jaen puchhan—bat.... o nath hai nagino, chuvai hai pasino... raj taj dinho, kanta ro path linho... ai mukhamal.....dhru...
ao ao chhatri tanan, pahravan nuna banan. vaisakhi lu lag jae re, sanvriya lyo svikaro..
baba lyo Manak moti, e rupya hai kaldhauti. kyun rajabhavan taj ae re, mano munharan mano..
kyun chalo Prabhu alavana, vahan le lyo manmana. gaj ashva palki many re, prabhuvar ab veg virajo..
baba bhukha kun janai, chijan adbhut lya dhamai. nahin baba nazar milae re, bas agai badhta javai..
padpoto li angadai, sapne ri smritiyan ain. kun mahasumeru sochai re, di murat va dikhlai..
pichhlo bhav taja hugyo, jhatapat charnan men pugyo. main dhanya karo ghar ay re, babaji shighra padharo..
ikshuras Prabhu svikaro, padpote nai uddharo. Prabhu buk mand di ay re, gunjyo jay-jay ko naro..
hui panch divya ri vrishti, yachak data ri srishti. sagla hi ab pachhtay re, shreyans liyo hai laho..
ba tij bani hai akshay, pancham arai ro vismay. tapasya ro thath suhay re, Guru charnan divya najaro..