घणां सुहावो माता
Ghanan Suhavo Mata
801
घणां सुहावो माता — Lyrics
घणां सुहावो माता घणां सुहावो माता दीपांजी रा जाया! थांनै तो ध्यावै सारो राजस्थान हो, सारो हिन्दुस्तान हो, मानवता रा मान हो, जिन-शासन री शान हो, माता दीपांजी रा जाया।।
1. शास्त्रां री गहराई में, अति गहराई स्यूं थे उतरया, कांटां रै बीहड़ मारग में, निर्भयता स्यूं चरण धरया। हो स्वामी! कीन्हो धीरज धर अपणो अनुसंधान हो।।
2. एक रात री तीव्र ताव, चिन्तन की धारा मोड़ दी, रूढ़िवाद री सबल श्रृंखला, इक झटके स्यूं तोड़ दी। हो स्वामी! विरला जन कर पाया थांरी पहचान हो।।
3. अंतिम आश्रय मानव रो, थांरो पहलो आवास हो, मृत्यु में ही जीवन रो, मानो गहरो आभास हो। हो स्वामी! पायो अमरत्व को नूतन विज्ञान हो।।
4. चीर कुहासो पलट्यो पासो, थांरी कल्याणी वाणी, पढ़तो-पढ़तो थकै न कोई, थांरै जीवन री क्हाणी। हो स्वामी! दीपै दुनियां में तेरापंथ महान हो।
5. एक सूत्र में बांध्यो बाबो, साधां रै समुदाय नै, शिष-शाखा रो ममत मिटायो, एक-एक नै ताय नै। हो स्वामी! बत्तीसै रो बो सारो संविधान हो।।
6. धर्माधर्म विवेचन थांरो कानां री खिड़क्यां खोलै, बो साहित्य मारवाड़ी में सारां रै मूंढ़ै बोलै। हो स्वामी! खुल्लै दिल संघर्षां में झोंकी ज्यान हो।।
7. म्हे कासीद प्रभू रै घर रा, हळुकर्म्यां रै मनभावां, करां उघाड़ पोप-लीला रो, पाखंड्यां नै अणखावां। हो स्वामी! थांरा आदर्श वीर वर्धमान हो।।
8. घणी मधुर घटनावां थांरी किसी-किसी नै याद करां, पावन नाम प्रभू रो नाच रह्यो है, जन-जन रै अधरां। हो स्वामी! थांरै पद-चिह्नां पर थांरी संतान हो।।
9. 'विश्व भारती' रे प्रांगण में चरमोत्सव की रंगरळी, चौतीसै भाद्रव तेरस दिन 'तुलसी' खिलगी कळी-कळी। हो स्वामी! भक्तां रै भावां में थे मूर्तिमान हो, हो स्वामी! प्राणां री पुलकन हो, मन री मुसकान हो।।
Roman Transliteration
ghanan suhavo mata ghanan suhavo mata dipanji ra jaya! thannai to dhyavai saro rajasthan ho, saro hindustan ho, manavta ra man ho, Jin-shasan ri shan ho, mata dipanji ra jaya..
1. shastran ri gahrai men, ati gahrai syun the utarya, kantan rai bihad marag men, nirbhayta syun charan dharya. ho Swami! kinho dhiraj dhar apano anusndhan ho..
2. ek rat ri tivra tav, chintan ki dhara mod di, rudhivad ri sabal shrrinkhla, ik jhatke syun tod di. ho Swami! virla jan kar paya thanri pahchan ho..
3. antim ashray manav ro, thanro pahlo avas ho, mrityu men hi jivan ro, mano gahro abhas ho. ho Swami! payo amaratva ko nutan vijnan ho..
4. chir kuhaso palatyo paso, thanri kalyani vani, padhto-padhto thakai n koi, thanrai jivan ri khani. ho Swami! dipai duniyan men Terapanth mahan ho.
5. ek sutra men bandhyo babo, sadhan rai samuday nai, shish-shakha ro mamat mitayo, ek-ek nai tay nai. ho Swami! battisai ro bo saro sanvidhan ho..
6. dharmadharma vivechan thanro kanan ri khidakyan kholai, bo sahitya marvadi men saran rai mundhai bolai. ho Swami! khullai dil sangharshan men jhonki jyan ho..
7. mhe kasid prabhu rai ghar ra, halukarmyan rai manbhavan, karan ughad pop-lila ro, pakhandyan nai anakhavan. ho Swami! thanra adarsha vir vardhaman ho..
8. ghani madhur ghatnavan thanri kisi-kisi nai yad karan, pavan nam prabhu ro nach rahyo hai, jan-jan rai adharan. ho Swami! thanrai pad-chihnan par thanri santan ho..
9. 'vishva bharti' re prangan men charmotsav ki rangarli, chautisai bhadrav teras din 'Tulsi' khilgi kali-kali. ho Swami! bhaktan rai bhavan men the murtiman ho, ho Swami! pranan ri pulakan ho, man ri muskan ho..