गणाधिपति गुरुवर म्हारा लाखां आंख्या रा तारा
Ganadhipti Guruvar Mhara Lakhan Ankhya Ra Tara
2960
गणाधिपति गुरुवर म्हारा लाखां आंख्या रा तारा — Lyrics
गणाधिपति गुरुवर म्हारा, लाखां आंख्या रा तारा। मैं पल-पल खिण-खिण समरूं, मन में तुलसी प्रभु।।
म्हांरी मन वीणा स्यूं मीठी, तुलसी-तुलसी तान उठै, सोवूं-जागूं, ऊठूं-बैठूं, खावू-पींनूं, रहूं जठै। मिलग्या जीवन रखवारा, लागै प्राणां स्यूं प्यारा।।
तुलसी तन रो रोग हरै, प्रभु तन मन दोनां नै मांजै, नैणां में आ ज्यावै ज्योती, अणमोलो अंजन आंजै। अंधेरो दूरो भागै, अन्तर री प्रज्ञा जागै।।
आत्माराम! आपरी आस्था, म्हारै अणु-अणु में बोलै, गूंगे रो गुड़ कियां बताऊं, मानस में इमरत घोलै। आगै बढ़तो जाऊं मैं, गुण-गंगा में न्हाऊं मैं।।
महाप्रज्ञ आचार्यप्रवर नै संघ, सूंप निश्चित बण्या, हुया इसा आचारज निस्पृह, मैं तो कानां नहीं सुण्या। भारी गण री पुनवानी, रही नहीं किण स्यूं छानी।।
आभा मंडल स्मरण मात्र स्यूं, साहस रो संचार करै, पंगु गिरि चढ़ ज्यावै, बाधा विपदा अपने आप टरै। ‘मधुकर’ रोम-रोम खिलज्या, प्रभुवर रा दरसण मिलज्या।।
Roman Transliteration
ganadhipti guruvar mhara, lakhan ankhya ra tara. main pal-pal khin-khin samrun, man men Tulsi prabhu..
mhanri man vina syun mithi, Tulsi-Tulsi tan uthai, sovun-jagun, uthun-baithun, khavu-pinnun, rahun jathai. milagya jivan rakhvara, lagai pranan syun pyara..
Tulsi tan ro rog harai, Prabhu tan man donan nai manjai, nainan men a jyavai jyoti, anamolo anjan anjai. andhero duro bhagai, antar ri prajna jagai..
atmaram! apari astha, mharai anu-anu men bolai, gunge ro gud kiyan bataun, manas men imarat gholai. agai badhto jaun main, gun-ganga men nhaun main..
Mahapragya acharyapravar nai Sangh, sump nishchit banya, huya isa acharaj nisprih, main to kanan nahin sunya. bhari gan ri punvani, rahi nahin kin syun chhani..
abha mandal smaran matra syun, sahas ro sanchar karai, pangu giri chadh jyavai, badha vipda apane ap tarai. ‘madhukar’ rom-rom khilajya, prabhuvar ra darasan milajya..