है जीवन थारो पाणी रो परपोटो,
Hai Jivan Tharo Pani Ro Parpoto,
891
है जीवन थारो पाणी रो परपोटो, — Lyrics
है जीवन थारो पाणी रो परपोटो, खिण में विलाय ज्यावै, कारी न लाग पावै, पहली स्यूं रहजे सावधान हो, है जीवन थारो पाणी रो परपोटो।।
१. करणो हुवै सो कर ले, काम हाथो-हाथ में। धर्म रो भंडार भर ले, चालसी बो साथ में। बीतग्यो जो काळ फेर, आवै नहीं बाथ में। चेतन महान् है तूं, गुण रो निधान है तूं।।
२. जीवणै रो मोह किसो, डर किसो है मौत रो? जागण दे विश्वास तूं, भीतरवाळी जोत रो। साहस बढ़ा अब लंगर खोल दे झट पोत रो। पल में बीं पार होवै, करमां रो बीज खोवै।।
३. सुख रै सुपनां में भान, भूलग्यो तूं आपरो। भेद नहीं जाण पायो, पूरो पुण्य-पाप रो! महल नै गिराय, बांध्यो घासवाळो टापरो। भूल्यो महानता नै, नूंती है आपदा नै।।
४. याद कर सरूप थारी, ज्ञान रो भण्डार तूं। चेतना रो सागर है, आनन्द रो द्वार तूं। जोड़ ले परमातमा स्यू, टूट्या हुया तार तूं। मन री अब खोल घुंडी, सिकरैला 'बुद्ध' हुंडी।।
Roman Transliteration
hai jivan tharo pani ro parpoto, khin men vilay jyavai, kari n lag pavai, pahli syun rahje savdhan ho, hai jivan tharo pani ro parpoto..
1. karno huvai so kar le, kam hatho-hath men. Dharm ro bhandar bhar le, chalsi bo sath men. bitagyo jo kal pher, avai nahin bath men. chetan mahan hai tun, gun ro nidhan hai tun..
2. jivnai ro moh kiso, dar kiso hai maut ro? jagan de vishvas tun, bhitarvali jot ro. sahas badha ab langar khol de jhat pot ro. pal men bin par hovai, karman ro bij khovai..
3. sukh rai supnan men bhan, bhulagyo tun aparo. bhed nahin jan payo, puro punya-pap ro! mahal nai giray, bandhyo ghasvalo tapro. bhulyo mahanta nai, nunti hai apada nai..
4. yad kar sarup thari, jnan ro bhandar tun. chetna ro sagar hai, ananda ro dvar tun. jod le parmatama syu, tutya huya tar tun. man ri ab khol ghundi, sikraila 'buddha' hundi..