है चयन दिवस युवराज रो, गण आंगण खुशियां छाई।
Hai Chayan Divas Yuvraj Ro, Gan Angan Khushiyan Chhai.
888
है चयन दिवस युवराज रो, गण आंगण खुशियां छाई। — Lyrics
है चयन दिवस युवराज रो, गण आंगण खुशियां छाई। मौसम सुहाणो आज रो, कलियां कलियां विकसाई—है।।
सक्षम पटधर मिल्या आर्यवर, बांटो आज बधाई जी। देवकंवर सो उणिहारो, आंख्या में नव अरुणाई जी। लागै तुलसी परछाई...।।
खपै रात-दिन तन स्यूं मन स्यूं, चिंतन स्यूं, उपधान स्यूं, ऊर्जा किसी भरी आमै, म्हैं पूछां गण सम्मान स्यूं। के घूंटी कहो पिलाई...।।
दो दो युग प्रधान आचारजां, रे दिल में विश्वास भर्यो, नान्हों सो मोहनगारो, मोहन तो बड़ो कमाल कर्यो। औं चढ़ग्या शिखरा तांई...।।
हाथी की सी चाल मलकता, और मुलकता हालै है, देख सौम्यता मुखड़े री, सगला थुथकारो घालै है। दीपै है हद् पुण्याई...।।
सिरियारी री पुन्य धरा भी, थांनै आज बधावै है, स्वामी जी निज लाडेसर ने, देख देख हरषावै है। आ अमर रवै तरुणाई...।।
Roman Transliteration
hai chayan divas yuvraj ro, gan angan khushiyan chhai. mausam suhano aj ro, kaliyan kaliyan viksai—hai..
saksham patadhar milya aryavar, banto aj badhai ji. devakanvar so uniharo, ankhya men nav arunai ji. lagai Tulsi parchhai.....
khapai rat-din tan syun man syun, chintan syun, upadhan syun, urja kisi bhari amai, mhain puchhan gan samman syun. ke ghunti kaho pilai.....
do do yug pradhan acharjan, re dil men vishvas bharyo, nanhon so mohangaro, mohan to bado kamal karyo. aun chadhagya shikhra tani.....
hathi ki si chal malakta, aur mulakta halai hai, dekh saumyata mukhde ri, sagla thuthkaro ghalai hai. dipai hai had punyai.....
siriyari ri punya dhara bhi, thannai aj badhavai hai, Swami ji nij ladesar ne, dekh dekh harshavai hai. a amar ravai tarunai.....