जिनकल्पी कष्ट उदीरी नैं लेवै
Jinakalpi Kashta Udiri Nain Levai
1053
जिनकल्पी कष्ट उदीरी नैं लेवै — Lyrics
जिनकल्पी कष्ट उदीरी नैं लेवै
जिनकल्पी कष्ट उदीरी ने लेवै, परिषह सहै सम परिणामो रे, आक्रोश विविध प्रकार नां उपजै, तो इ उदेरी नें जावै तिण ठमो रे। शूरां वीरां रो ओ सुध मारग।।१।।
मासखमण कोई करै निरन्तर, इतरा कर्म कटै इक छिन में रे। वचन कुवचन सहे समभावे, रागद्वेष न आणै मुनि मन में रे।।२।।
सवा नव मास जीव रह्यो गरभ में, तो ए दुख कितरा दिन का रे। एम विचारि सहै समभावे, शूरवीर दृढ़ मन का रे।।३।।
लाभ अलाभ सहै समभावे, जीतब मरण समानो रे। निंदा स्तुती सुख दुख समतुल, सम गिणै मान अपमानो रे।।४।।
बाईस तेतीस सागर तांई, दुख सह्या नरक मझारो रे। किंचित दुख स्यूं सूं दिलगीरी, एम विमासे अणगारो रे।।५।।
मेघ सरीसा मुनिवर पिण कियो, पादुपगमण संथारो रे। खोळी में जीव छतां तन त्याग्यो, एक मास पेहली गुणधारो रे।।६।।
शालिभद्र नें धन्ना सरीखा, ज्यांरो सुखमाल तन श्रीकारो रे। त्यां पिण मास-मास खमण तप कीधा, बलि पादुपगमण संथारो रे।।७।।
रोग रहित तीर्थंकर नों तन, ते पिण लेवै कष्ट उदीरो रे। सहज्यां ही रोगादिक परिसह उपना, सम परिणामे सहै शूरवीरो रे।।८।।
(लय : सीता विभीषण नै कहै)
इत्यादिक मुनी साह्मो देखी, कष्ट पड्यां नहीं काचा रे। अल्पकाल में शिवसुख पामै, ते शूर शिरोमणि साचा रे।।९।।
नरकादिक दुख नीं तीव्र वेदना, सही अनन्ती वारो रे। तो किंचित वेदना उपना महामुनि, सहै आणी हरस अपारो रे।।१०।।
ए वेदन थी हुवै कर्म निर्जरा, उज्ज्ल होवै जीवो रे। सुर-सिव नां सुख लहै अनोपम, इम जाणी राखै हरस सदीवो रे।।११।।
सुख रो कारण वेदन समचित, ए वेदन थी कटै कर्मों रे। पुण्य रा थाट बंधै शुभ ध्याने, एहथी एकंत निर्जरा धर्मो रे।।१२।।
समभावे सह्यां एकंत निर्जरा, असमभावे पाप एकंतो रे। ठाणं चोथे ठाणे जिन भाख्यो, इम जाणी रहै समचित संतो रे।।१३।।
भगवंत भाख्या रे श्रावक
भिन भिन जाणै रे श्रावक जीव ने, जाणै अजीव पुण्य पापो जी, आस्रव ने जाणै रे कर्म लगावतो, संवर टालै संतापो जी। भगवंत भाख्या रे श्रावक एहवा।।१।।
निर्जरा पाडै रे ढीलो बंध नैं, करणी करै तिण हेतो जी। मुक्ति तणा सुख जाणै शाश्वता, उघड्या अभ्यन्तर नेतो जी।।२।।
पोतै परखै रे गुरु नैं अकल सूं, अन्तरङ्ग ज्ञान विचारो जी। भेष देखी श्रावक भूलै नहीं, देखै शुद्ध आचारो जी।।३।।
व्रतां नें जाणै रे माला रत्ना तणी, अव्रत अनरथ खाणो जी। रेणादेवी थी पिण ये बूरी, त्यागै माठी जाणो जी।।४।।
आदरिया व्रत साधु मांहिला, ए म्हारे जिनधर्मो जी। शेष रह्या जे काम संसार नां, तिणसुं बंधता जाणै कर्मो जी।।५।।
श्रावक जाणै रे श्रीजिन आगन्या, जाणै धर्म अधर्मो जी। जिण करणी में नहिं जिन आगन्या, तो बंधता जाणै कर्मो जी।।६।।
परचो पाखंडियां रो श्रावक नहिं करै, नहीं करे तिणसुं बातो जी। नीचो मस्तक श्रावक नहीं करै, नहिं करै ऊंचो हाथो जी।।७।।
भ्रमायो किणरो लागै नहीं, नहिं करै कूड़ी ताणो जी। धर्म ठिकाणै रे झूठ बोलै नहीं, पालै श्रीजिन आणो जी।।८।।
गुरु ने देखे रे दोष लगावतां, तो तुरन्त करै निकाळो जी। लाला लोलो रे कर उठै नहीं, आ जिन शासन री पाळो जी।।९।।
(लय : केकैई रे कुकला केलवे)
कुगुरु वंदना रो फल तिहां ओलखै, रुळै अनन्तो कालो जी। भागल गुरां नैं श्रावक वंदै नहीं, भगवंत बचन संभाळो जी।।१०।।
कुगुरु मैं जाणै रे काळा नाग ज्यूं, करड़ो तिणरो डंको जी। मुक्ति नगर नां ते छै धाड़वी, चौड़े खोसै नि:शंको जी।।११।।
सुणै बखाण रे साधां आगलै, एकाकी चित्त ल्यायो जी। साधु कहै ते सुण सुण हुलसै, मन रलियायत थायो जी।।१२।।
सद्गुरु वांदै रे भलै मन भाव सुं, नीचो शीश नमायो जी। तीन प्रदक्षिणा दे कर जोड़ी ने, पगां रे मस्तक लगायो जी।।१३।।
मारग जातां रे मुनिवर जो मिलै, वांदी हर्षित थायो जी। विकसित थावै रे मुनिवर देखने, बलि करै घणी नरमायो जी।।१४।।
बारा व्रत रे आदरता रहै, अव्रत जे आगारो जी। पोतै सेवै सेवावै अवर नै, तिण में नहिं श्रद्धै धर्म लिगारो जी।।१५।।
ब्याज उधारो रे धन ल्यावै पारको, घर रो काम चलायो जी। धर्म बतावै रे धन ल्यावी पारको, इसड़ो न करै अन्यायो जी।।१६।।
लोक कहेछै रे निन्दक पापियो, ते निन्दा नरक ले जायो जी। श्रावक निन्दा रे नहिं करै केहनी, जिन शासन मांहि आयो जी।।१७।।
जेतला द्रव्य छै लोकालोक में, जाणै तिणरो न्यायो जी। द्रव्य खेत्र काल नै बलि भाव सुं, जाणै गुण पर्यायो जी।।१८।।
मोसा मर्म न बोले केहनै, न करै कूड़ी बातो जी। कूड़ कथन नहिं करै श्री जिनमती, नहिं करै दगो नैं घातो जी।।१९।।
ओछा बोल न बोलै केहनै, गुण कर गहर गंभीरो जी। चरचा करतां रे बिच बोले नहीं, जेम छाली पीवै नीरो जी।।२०।।
लोक सुणै बखाण साधां आगलै, नहिं पाड़ै तिणमें वेदो जी। कर्म घणा पैलो समझै नहीं, नहीं करै क्रोध नैं खेदो जी।।२१।।
Roman Transliteration
jinakalpi kashta udiri nain levai
jinakalpi kashta udiri ne levai, parishah sahai sam parinamo re, akrosh vividh prakar nan upajai, to i uderi nen javai tin thamo re. shuran viran ro o sudh maraga..1..
masakhaman koi karai nirantar, itara Karm katai ik chhin men re. vachan kuvachan sahe sambhave, ragadvesh n anai Muni man men re..2..
sava nav mas jiv rahyo garabh men, to e dukh kitra din ka re. em vichari sahai sambhave, shurvir dridh man ka re..3..
labh alabh sahai sambhave, jitab maran samano re. ninda stuti sukh dukh samtul, sam ginai man apamano re..4..
bais tetis sagar tani, dukh sahya narak majharo re. kinchit dukh syun sun dilgiri, em vimase anagaro re..5..
megh sarisa munivar pin kiyo, padupagaman santharo re. kholi men jiv chhatan tan tyagyo, ek mas pehli gundharo re..6..
shalibhadra nen dhanna sarikha, jyanro sukhmal tan shrikaro re. tyan pin mas-mas khaman tap kidha, bali padupagaman santharo re..7..
rog rahit Tirthankar non tan, te pin levai kashta udiro re. sahajyan hi rogadik parisah upana, sam pariname sahai shurviro re..8..
(lay : sita vibhishan nai kahai)
ityadik muni sahmo dekhi, kashta padyan nahin kacha re. alpakal men shivsukh pamai, te shur shiromni sacha re..9..
narkadik dukh nin tivra vedna, sahi ananti varo re. to kinchit vedna upana mahamuni, sahai ani haras aparo re..10..
e vedan thi huvai Karm nirjara, ujjla hovai jivo re. sur-siv nan sukh lahai anopam, im jani rakhai haras sadivo re..11..
sukh ro karan vedan samchit, e vedan thi katai karmon re. punya ra that bandhai shubh dhyane, ehathi ekant nirjara dharmo re..12..
sambhave sahyan ekant nirjara, asambhave pap ekanto re. thanam chothe thane Jin bhakhyo, im jani rahai samchit santo re..13..
bhagavant bhakhya re shravak
bhin bhin janai re shravak jiv ne, janai ajiv punya papo ji, asrav ne janai re Karm lagavto, sanvar talai santapo ji. bhagavant bhakhya re shravak ehava..1..
nirjara padai re dhilo bandh nain, karni karai tin heto ji. mukti tana sukh janai shashvata, ughadya abhyantar neto ji..2..
potai parkhai re Guru nain akal sun, antaranga jnan vicharo ji. bhesh dekhi shravak bhulai nahin, dekhai shuddha acharo ji..3..
vratan nen janai re mala ratna tani, avrat anarath khano ji. renadevi thi pin ye buri, tyagai mathi jano ji..4..
adariya vrat sadhu manhila, e mhare jinadharmo ji. shesh rahya je kam sansar nan, tinsun bandhta janai karmo ji..5..
shravak janai re shrijin aganya, janai Dharm adharmo ji. jin karni men nahin Jin aganya, to bandhta janai karmo ji..6..
parcho pakhndiyan ro shravak nahin karai, nahin kare tinsun bato ji. nicho mastak shravak nahin karai, nahin karai uncho hatho ji..7..
bhramayo kinro lagai nahin, nahin karai kudi tano ji. Dharm thikanai re jhuth bolai nahin, palai shrijin ano ji..8..
Guru ne dekhe re dosh lagavtan, to turanta karai nikalo ji. lala lolo re kar uthai nahin, a Jin shasan ri palo ji..9..
(lay : kekaii re kukla kelve)
kuguru vandna ro phal tihan olakhai, rulai ananto kalo ji. bhagal guran nain shravak vandai nahin, bhagavant bachan sambhalo ji..10..
kuguru main janai re kala nag jyun, kardo tinro danko ji. mukti nagar nan te chhai dhadvi, chaude khosai ni:shanko ji..11..
sunai bakhan re sadhan agalai, ekaki chitta lyayo ji. sadhu kahai te sun sun hulsai, man raliyayat thayo ji..12..
sadguru vandai re bhalai man bhav sun, nicho shish namayo ji. tin pradakshina de kar jodi ne, pagan re mastak lagayo ji..13..
marag jatan re munivar jo milai, vandi harshit thayo ji. viksit thavai re munivar dekhne, bali karai ghani narmayo ji..14..
bara vrat re adarta rahai, avrat je agaro ji. potai sevai sevavai avar nai, tin men nahin shraddhai Dharm ligaro ji..15..
byaj udharo re dhan lyavai parko, ghar ro kam chalayo ji. Dharm batavai re dhan lyavi parko, isado n karai anyayo ji..16..
lok kahechhai re nindak papiyo, te ninda narak le jayo ji. shravak ninda re nahin karai kehni, Jin shasan manhi ayo ji..17..
jetla dravya chhai lokalok men, janai tinro nyayo ji. dravya khetra kal nai bali bhav sun, janai gun paryayo ji..18..
mosa marma n bole kehnai, n karai kudi bato ji. kud kathan nahin karai shri jinamti, nahin karai dago nain ghato ji..19..
ochha bol n bolai kehnai, gun kar gahar gambhiro ji. charcha kartan re bich bole nahin, jem chhali pivai niro ji..20..
lok sunai bakhan sadhan agalai, nahin padai tinmen vedo ji. Karm ghana pailo samjhai nahin, nahin karai krodh nain khedo ji..21..