जिनकल्पी कष्ट उदीरी नैं लेवै
Jinakalpi Kashta Udiri Nain Levai
1052
जिनकल्पी कष्ट उदीरी नैं लेवै — Lyrics
जिनकल्पी कष्ट उदीरी नैं लेवै १. जिनकल्पी कष्ट उदेरी ने लेवै, परिषह सहै सम परिणामो रे। आक्रोश विविध प्रकार नां उपजै, तो इ उदेरी नैं जावै तिण ठामो।।
२. मास खमण कोई करै निरन्तर, इतरा कर्म कटै इक छिन में रे। वचन कुवचन सहे समभावे, रागद्वेष न आणै मुनि मन में रे।।
३. सवा नव मास जीव रह्यो गरभ में, तो ए दुख कितरा दिन का रे। एम विचारि सहै समभावे, शूरवीर दृढ़ मन का रे।।
४. लाभ अलाभ सहै समभावे, जीतव मरण नपात रे। निंदा स्तुति सुख-दु:ख समतुल, सम गिणे मान अपमानो रे।।
५. बाईस तेतीस सागर तांई, दुख सह्या नरक मझारो रे। किंचित दुख स्यूं सूं दिलगीरी एम विमासे अणगारो रे।।
६. मेघ सरीसा मुनिवर पिण कियो, पादुपगमण संथारो: रे। खोळी में जीव छतां तन त्याग्यो एक मास पेहली गुणधारो रे।।
७. शालिभत्र नैं धन्ना सरीखा, ज्यांरो सुखमाल तन श्रीकारो रे। त्यां पिण मास-मास खमण तप कीधा, बलि पादुपगमण संथारो रे।।
८. रोग रहित तीर्थकर नों तन, ते पिण लेवै कष्ट उदीरो रे। सहज्यां ही रोगादिक परिसह उपना, सम परिणामे सहै शूरवीरो रे।।
९. इत्यादिक मुनी साह्यो देखी, कष्ट पड्यां नहीं काचा रे। अल्पकाल में शिवसुख पामै, ते शूर शिरोमणि साचा रे।।
१०. नरकादिक दुख नीं तीव्र वेदना, सही अनन्ती वारो रे। तो किंचित वेदना उपना महामुनि, सहै आणी हरस अपारो रे।।
११. ए वेदना थी हुवै कर्म निर्जरा, उज्ज्वल होवै जीवो रे। सुर-सिव नां सुख लहै अनोपम, इम जाणी राखै हरस सदीवो रे।।
१२. सुख रो कारण वेदन समचित, ए वेदन थी कटै कर्मों रे। पुण्य रा थाट बंधै शुभ ध्याने, एहथी एकत निर्जरा धर्मों रे।।
१३. समभावे सह्यां एकत निर्जरा, असमभावे पाप एकतो रे। ठाणं रे चोथे जिन-भाख्यो, इम जाणी रहे समचित संतो रे।।
Roman Transliteration
jinakalpi kashta udiri nain levai 1. jinakalpi kashta uderi ne levai, parishah sahai sam parinamo re. akrosh vividh prakar nan upajai, to i uderi nain javai tin thamo..
2. mas khaman koi karai nirantar, itara Karm katai ik chhin men re. vachan kuvachan sahe sambhave, ragadvesh n anai Muni man men re..
3. sava nav mas jiv rahyo garabh men, to e dukh kitra din ka re. em vichari sahai sambhave, shurvir dridh man ka re..
4. labh alabh sahai sambhave, jitav maran napat re. ninda stuti sukh-du:kh samtul, sam gine man apamano re..
5. bais tetis sagar tani, dukh sahya narak majharo re. kinchit dukh syun sun dilgiri em vimase anagaro re..
6. megh sarisa munivar pin kiyo, padupagaman santharo: re. kholi men jiv chhatan tan tyagyo ek mas pehli gundharo re..
7. shalibhatra nain dhanna sarikha, jyanro sukhmal tan shrikaro re. tyan pin mas-mas khaman tap kidha, bali padupagaman santharo re..
8. rog rahit tirthakar non tan, te pin levai kashta udiro re. sahajyan hi rogadik parisah upana, sam pariname sahai shurviro re..
9. ityadik muni sahyo dekhi, kashta padyan nahin kacha re. alpakal men shivsukh pamai, te shur shiromni sacha re..
10. narkadik dukh nin tivra vedna, sahi ananti varo re. to kinchit vedna upana mahamuni, sahai ani haras aparo re..
11. e vedna thi huvai Karm nirjara, ujjval hovai jivo re. sur-siv nan sukh lahai anopam, im jani rakhai haras sadivo re..
12. sukh ro karan vedan samchit, e vedan thi katai karmon re. punya ra that bandhai shubh dhyane, ehathi ekat nirjara dharmon re..
13. sambhave sahyan ekat nirjara, asambhave pap ekato re. thanam re chothe Jin-bhakhyo, im jani rahe samchit santo re..