जीवन है जाबक छोटो,
Jivan Hai Jabak Chhoto,
1072
जीवन है जाबक छोटो, — Lyrics
जीवन है जाबक छोटो, पाणी रो ज्यूं परपोटो, कर ले धरम री साची साधना, रै मनवा! कर ले अध्यातम री आराधना।।
१. चौरासी रै चक्कर में, कद स्यूं तूं भटकै रै? अपणी ही कमजोरी स्यूं दुविधा में लटकै रै, दुख स्यूं क्यूं घिरतो जावै? चिन्ता रो पार न आवै।।
२. मूंघो है मिनख जमारो, अहळो क्यूं खोवै रै? अमृत बोणै री वेळा, विष मत ना बोवै रै, लूंटै नी लाहो चोखो, अवसर ओ मिलणो ओखो।।
३. हीरै सो हर पल थारो, माटी क्यूं बणज्या रै? चरणां में लिपटी रज क्यूं माथै पर तणज्या रै? वृत्त्यां जो बदलै थारी, दुनिया ही पलटै सारी।।
४. समता स्यूं 'बुद्ध' जीवन, जीणो तूं सीखै रै, दुविधा रो अन्त तो फिर, आंतो ही दीखै रै, अन्तर री जोत जगाले, मन रा सै भरम भगाले।।
Roman Transliteration
jivan hai jabak chhoto, pani ro jyun parpoto, kar le dharam ri sachi sadhna, rai manva! kar le adhyatam ri aradhna..
1. chaurasi rai chakkar men, kad syun tun bhatkai rai? apani hi kamjori syun duvidha men latkai rai, dukh syun kyun ghirto javai? chinta ro par n avai..
2. mungho hai minakh jamaro, ahalo kyun khovai rai? amrit bonai ri vela, vish mat na bovai rai, luntai ni laho chokho, avasar o milno okho..
3. hirai so har pal tharo, mati kyun banajya rai? charnan men lipti raj kyun mathai par tanajya rai? vrittyan jo badlai thari, duniya hi paltai sari..
4. samta syun 'buddha' jivan, jino tun sikhai rai, duvidha ro anta to phir, anto hi dikhai rai, antar ri jot jagale, man ra sai bharam bhagale..