लूंट लूंट कर खाते

जीवन बीत्यो जावै, कर ले धर्म कमाई।

Jivan Bityo Javai, Kar Le Dharm Kamai.

लूंट लूंट कर खाते

गीत क्रमांक1071

जीवन बीत्यो जावै, कर ले धर्म कमाई। — Lyrics

जीवन बीत्यो जावै, कर ले धर्म कमाई। संत तनै समझावै अब दे छोड़ बुराई।।

जीवन च्यार दिना रो मेलो, सुख दु:ख दोन्यां रो है खेलो, बहतो ज्यूं पाणी रो रेलो, पाछो लौट न आवै।।

बड़ा भाग स्यूं ओ तन पायो, सारो जोग मिल्यो मन चायो, विषयों में क्यूं चित्त लुभायो, निज कर्तव्य भुलावै।।

एक अकेलो जाणो आगै, धन दौलत चालै नहीं सागै, माया ममता क्यूं नहीं त्यागै, आत्म शांति जो चाह्वै।।

औरां पर तूं नजर पसारे, अपणै घर नै नहीं निहारे, क्यूं तूं भटके बारे बारे, जग में मूढ़ कहावै।।

मत कर कोई स्यूं कपटाई, न्याय मार्ग रो बण तूं राही, सावधान हो रही सदा ही, 'विजय' सुपथ दिखलादै।।

jivan bityo javai, kar le Dharm kamai. sant tanai samjhavai ab de chhod burai..

jivan chyar dina ro melo, sukh du:kh donyan ro hai khelo, bahto jyun pani ro relo, pachho laut n avai..

bada bhag syun o tan payo, saro jog milyo man chayo, vishyon men kyun chitta lubhayo, nij kartavya bhulavai..

ek akelo jano agai, dhan daulat chalai nahin sagai, maya mamta kyun nahin tyagai, atma shanti jo chahvai..

auran par tun najar pasare, apanai ghar nai nahin nihare, kyun tun bhatke bare bare, jag men mudh kahavai..

mat kar koi syun kaptai, nyay marga ro ban tun rahi, savdhan ho rahi sada hi, 'vijay' supath dikhladai..