होठों को छू लो तुम

जीवन ओ दो दिन रो, पाणी ज्यूं बह ज्यासी।

Jivan O Do Din Ro, Pani Jyun Bah Jyasi.

होठों को छू लो तुम

गीत क्रमांक1092

जीवन ओ दो दिन रो, पाणी ज्यूं बह ज्यासी। — Lyrics

जीवन ओ दो दिन रो, पाणी ज्यूं बह ज्यासी। लारे जस अपजस री, बस बातां रह ज्यासी।।

१. धन जोबन परिजन रो, संजोग सुरंग मिल्यो। ईं तरुवर री डाळी, तूं फूल विशेष खिल्यो। पण एक पून झटको, पटकी दे दहलासी।।

२. माटी री नगरी रा, नौ द्वार उघाड़ा है। खिण खिण खिर री भींतां, नित पड़ र्‍या धाड़ा है। मिटतै ईं महतब स्यूं, कद तक मन बहलासी?

३. पांचूं कपड़ा थांरा, अणहुंता मैल भरया। कादै में रगदोळ्या, नहीं धोकर साफ करया। निज री निबळाई नै, कै अब भी सहलासी?

४. जद झोलो बाजैला, आ बगिया उघड़ैली। हंसो उड ज्यावैला, पोलां सै उघड़ैली। थारै कानां कहसी, बो जग नै कह ज्यासी।।

५. गिणती री सांसां रो, जो लाभ कमावैला। अपणै ई जीवन नै, बो सफळ बणावैला। 'मुनि बुद्ध' सदा जग में, जय-झंडो फहरासी।।

jivan o do din ro, pani jyun bah jyasi. lare jas apajas ri, bas batan rah jyasi..

1. dhan joban parijan ro, sanjog surang milyo. in taruvar ri dali, tun phul vishesh khilyo. pan ek pun jhatko, patki de dahlasi..

2. mati ri nagri ra, nau dvar ughada hai. khin khin khir ri bhintan, nit pad rya dhada hai. mittai in mahatab syun, kad tak man bahlasi?

3. panchun kapda thanra, anahunta mail bharya. kadai men ragdolya, nahin dhokar saph karya. nij ri niblai nai, kai ab bhi sahlasi?

4. jad jholo bajaila, a bagiya ughadaili. hanso ud jyavaila, polan sai ughadaili. tharai kanan kahsi, bo jag nai kah jyasi..

5. ginti ri sansan ro, jo labh kamavaila. apanai i jivan nai, bo saphal banavaila. 'Muni buddha' sada jag men, jay-jhando phahrasi..