स्वामी भीखण जी रो नाम

मन नै साध्यां स्यूं ही साधना में रंग आवैला,

Man Nai Sadhyan Syun Hi Sadhna Men Rang Availa,

स्वामी भीखण जी रो नाम

गीत क्रमांक1631

मन नै साध्यां स्यूं ही साधना में रंग आवैला, — Lyrics

मन नै साध्यां स्यूं ही साधना में रंग आवैला, ढीलो छोड्यां स्यूं जग-जंगल में ओ भटकावैला।।

१. ईं रै लगाम लगाणी दोरी, काम न देवै बातां कोरी। चंचल घोड़ै जिंयां धमाल ओ भारी मचावैला।।

२. बीती बातां घणी चितारै, भागै कल्पित भावां लारै। हटक्यो राखज्यो ओ थांरी समता नै मिटावैला।।

३. भीतर गांठां घणी घुळावै, छोड सुधा-घट विष छळकावै। रहिज्यो जागता ओ मूळ की पूंजी गमावैला।।

४. 'बुद्ध' सदा निज मन रो स्वामी, नहीं होण दे खलता खामी। सहजानन्द रा सानंद बो मीठा फळ पावैला।।

man nai sadhyan syun hi sadhna men rang availa, dhilo chhodyan syun jag-jangal men o bhatkavaila..

1. in rai lagam lagani dori, kam n devai batan kori. chanchal ghodai jinyan dhamal o bhari machavaila..

2. biti batan ghani chitarai, bhagai kalpit bhavan larai. hatakyo rakhajyo o thanri samta nai mitavaila..

3. bhitar ganthan ghani ghulavai, chhod sudha-ghat vish chhalkavai. rahijyo jagta o mul ki punji gamavaila..

4. 'buddha' sada nij man ro Swami, nahin hon de khalta khami. sahjananda ra sanand bo mitha phal pavaila..