म्हारी छोटी सी वेरागण

महाप्रज्ञ स्तुति

Mahapragya Stuti

साध्वी राजीमती · म्हारी छोटी सी वेरागण

गीत क्रमांक36

महाप्रज्ञ स्तुति — Lyrics

म्हांनै महाप्रज्ञ रो नाम लागै, प्राणां स्यूं भी प्यारो । प्राणां स्यूं भी प्यारो, चमक्यो बण विश्‍व सितारो ।।

आंख्यां ही अमृत झरणो, लेता चरणां रो शरणो । म्हारे सामने घूमै है थारो, वो पावन उणियारो ।।

श्री तुलसी रे आसन ऊपर, शोभ्या दिव्य दिवाकर । वत्सलता, शीतलता, समता, मीठो सो जीकारो ।।

चाल लागती ही योगी सी, स्थिरता ही योगी सी । प्रवचन सुणतां ही होज्यातो, अन्तर में उजियारो ।।

दर्पण सो उजलो जीवन, चंदन सो शीतल जीवन । कालू तुलसी री करुणा, थे ल्यायो नव वरतारो ।।

रग रग में म्हारे भक्ति, कुछ तो देवो नी शक्ति । ओ चैत्य पुरुष जग ज्यावै गुरुवर ! अब तो जल्दी म्हांरो ।।

थे शासन घणो दिपायो, दुनिया में नाम कमायो । सपने में प्रभु ! दर्शन दीज्यो, करज्यो एक इशारो ।।

mhannai Mahapragya ro nam lagai, pranan syun bhi pyaro . pranan syun bhi pyaro, chamakyo ban vishva sitaro ..

ankhyan hi amrit jharno, leta charnan ro sharno . mhare samne ghumai hai tharo, vo pavan uniyaro ..

shri Tulsi re asan upar, shobhya divya divakar . vatsalta, shitalta, samta, mitho so jikaro ..

chal lagti hi yogi si, sthirta hi yogi si . pravachan suntan hi hojyato, antar men ujiyaro ..

darpan so ujalo jivan, chandan so shital jivan . Kalu Tulsi ri karuna, the lyayo nav vartaro ..

rag rag men mhare bhakti, kuchh to devo ni shakti . o chaitya purush jag jyavai guruvar ! ab to jaldi mhanro ..

the shasan ghano dipayo, duniya men nam kamayo . sapne men Prabhu ! darshan dijyo, karajyo ek isharo ..