मंगल ज्योति
Mangal Jyoti
1645
मंगल ज्योति — Lyrics
मंगल ज्योति
मंगल ज्योति जलावो महावीर जी, घट-घट में करद्यो प्रभुवर चानणो, करूणा रो स्रोत बहावो महावीरजी, जन-जन री नैया कर द्यो पार थे।
भटक्या नै राह दिखाओ महावीरजी, अर्जुनमाली ज्यूं पार उतार द्यो, संकटमोचन थे हो महावीरजी, दुनियां रा दु:खड़ा सगला मेटद्यो।
श्रद्धा रा फूल खिलाओ महावीरजी, कांटा बुहारो सब अज्ञान रा, सुलसा सी श्रद्धा जमावो महावीरजी, शंका मिटा यो सारी मूल स्यूं
आनन्द घन बरसाओ महावीरजी, चन्दनबाला ज्यूं विपदा काट द्यो, धर्म रो रंग चढ़ाओ महावीरजी, सब में फैलावो मैत्री भावना।
भगती रा सुमन सजावां महावीरजी, सारा करां हां सौ-सौ वन्दना, पावन ध्यान लगायो महावीरजी, 'मोहन' री कर द्यो निर्मल चेतना।
Roman Transliteration
Mangal jyoti
Mangal jyoti jalavo Mahavir ji, ghat-ghat men karadyo prabhuvar channo, karuna ro srot bahavo mahavirji, jan-jan ri naiya kar dyo par the.
bhatakya nai rah dikhao mahavirji, arjunmali jyun par utar dyo, sankatmochan the ho mahavirji, duniyan ra du:khada sagla metadyo.
shraddha ra phul khilao mahavirji, kanta buharo sab ajnan ra, sulsa si shraddha jamavo mahavirji, shanka mita yo sari mul syun
ananda ghan barsao mahavirji, chandanbala jyun vipda kat dyo, Dharm ro rang chadhao mahavirji, sab men phailavo maitri bhavna.
bhagti ra suman sajavan mahavirji, sara karan han sau-sau vandana, pavan dhyan lagayo mahavirji, 'mohan' ri kar dyo nirmal chetna.