सांवरिया रो नाम नित ध्यावां म्है, नाम नित ध्यावां म्है,
Sanvriya Ro Nam Nit Dhyavan Mhai, Nam Nit Dhyavan Mhai,
2222
सांवरिया रो नाम नित ध्यावां म्है, नाम नित ध्यावां म्है, — Lyrics
सांवरिया रो नाम नित ध्यावां म्है, नाम नित ध्यावां म्है, संकट सब टल ज्यावै है, ओ भायां, आंखडल्यां में प्रभु ने बिठावां म्है, प्रभु ने बिठावां म्है, नई शक्ति ज्यूं आवै है, ओ भायां।।
स्वार्थिये संसार में ओ बाबो ही सहारो है, अंधियारी रात में ओ नाम उजियारो है, व्याधि नहीं टिक पावै है, ओ भायां।।
शोभ जी श्रावक कारागार स्यूं हा छूटग्या, भिक्षु भिक्षु रटतां ही पाश सारा टूटग्या, ओ इतिहास बतावै है, ओ भायां।।
शेर दो बबरची फिरग्या भिक्षु रे प्रताप स्यूं, चंपक मुनिवर पार कर्यो पथ सुखे सुखे इण जाप स्यूं, चमत्कार दिखलावै है, ओ भायां।।
मौके मौके आज भी स्वामी जी परचो देवै है, मझधारा में डूबती भगतां री नावा खेवै है, जन-जन महिमा गावै है, ओ भायां।।
मन मन्दिर में नाथ! पधारो पल-पल रटन लगावां म्है, 'विजय' भक्ति रा दीप जलाकर प्रभु ने सदा मनावां म्है, सुर नर शीश झुकावै है, ओ भायां, मंगल मुद्रा भावै है, ओ भायां।।
Roman Transliteration
sanvriya ro nam nit dhyavan mhai, nam nit dhyavan mhai, sankat sab tal jyavai hai, o bhayan, ankhadalyan men Prabhu ne bithavan mhai, Prabhu ne bithavan mhai, nai shakti jyun avai hai, o bhayan..
svarthiye sansar men o babo hi saharo hai, andhiyari rat men o nam ujiyaro hai, vyadhi nahin tik pavai hai, o bhayan..
shobh ji shravak karagar syun ha chhutagya, Bhikshu Bhikshu rattan hi pash sara tutagya, o itihas batavai hai, o bhayan..
sher do babarchi phiragya Bhikshu re pratap syun, champak munivar par karyo path sukhe sukhe in jap syun, chamatkar dikhlavai hai, o bhayan..
mauke mauke aj bhi Swami ji parcho devai hai, majhdhara men dubti bhagtan ri nava khevai hai, jan-jan mahima gavai hai, o bhayan..
man mandir men nath! padharo pal-pal ratan lagavan mhai, 'vijay' bhakti ra dip jalakar Prabhu ne sada manavan mhai, sur nar shish jhukavai hai, o bhayan, Mangal mudra bhavai hai, o bhayan..