सांवरिया मूरत दिखादे रे,
Sanvriya Murat Dikhade Re,
2221
सांवरिया मूरत दिखादे रे, — Lyrics
सांवरिया मूरत दिखादे रे, थांरै चरणां में करूं अरदास, नांवडली पार लगा दे रे।।
कद स्यूं खड्यो मैं थांरै द्वार पर, थाक्या म्हारा अब तो प्राण रे, तूं ही बता दे ओ जोगीशवरु, होसी पूरा कद अरमान रे।।
जग री ई भूलभूलैया में फस्यो, तूं ही मुझ नै दिखादे राह रे, नैया खेवैय्या प्रभु तूं खरो, भव भव री तूं मिटादे दाह रे।।
नित मैं उतारू थांरी आरती, करके अपणा शुध परिणाम रे, थांरो ही मुझ नै है आसरो, प्यारो लागै थांरो नाम रे।।
'विजय मुनि' आ भावै भावना, पथ रा दूर हटे व्यवधान रे, निरखूं मनमोहक छवि साक्षात् मैं, खिलै जीवन रो उद्यान रे।।
Roman Transliteration
sanvriya murat dikhade re, thanrai charnan men karun aradas, nanvadli par laga de re..
kad syun khadyo main thanrai dvar par, thakya mhara ab to pran re, tun hi bata de o jogishavru, hosi pura kad araman re..
jag ri i bhulbhulaiya men phasyo, tun hi mujh nai dikhade rah re, naiya khevaiyya Prabhu tun kharo, bhav bhav ri tun mitade dah re..
nit main utaru thanri Aarti, karke apana shudh parinam re, thanro hi mujh nai hai asaro, pyaro lagai thanro nam re..
'vijay Muni' a bhavai bhavna, path ra dur hate vyavdhan re, nirkhun manmohak chhavi sakshat main, khilai jivan ro udyan re..