सरल थारो सारो बणा रै व्यवहार,
Saral Tharo Saro Bana Rai Vyavhar,
2477
सरल थारो सारो बणा रै व्यवहार, — Lyrics
सरल थारो सारो बणा रै व्यवहार, सांस-सांस रो मोल ले, हो भव-सागर पार।।
१. लम्बी काम-क्रोध री घाटी, मत भटभेड़ी खावै। उज्जड़ चाल्यां कांटा चुभसी, मजल न नैड़ी आवै। क्यूं तूं विरथा शक्ति खपावै? जीवन सफळ नहीं बण पावै। जरा कर ले आज विचार।।
२. मन तो बार-बार उळझावै, तन रो जोर न चालै। थारी खमता जद जाणीजै, मन ने गेलै घालै। सैंठी रास हाथ में झालै, स्वामी बण कर काम संभालै। खींचै भीतर वाळो तार।।
३. झंझट घणा, जीवणो थोड़ो, क्यूं उळझै तूं भोळा? डूंगर फांद्यां गोडा फूटै, हुवै हाडका खोळा। निज रा भाव करै मत मोळा, सुण मत आस-पास रा रोव्ठा। ऊंचा कर ले शुभ संस्कार।।
४. थोड़ै जीतब खातर मत तूं, हार पाछली बाजी। 'बुद्ध' नगारा घुरा जीत रा, कर समता नै ताजी। अन्तर मति हो ज्यावै साजी, शान्ति बसै घर राजी-राजी। थारो सफळ हुवै अवतार।।
Roman Transliteration
saral tharo saro bana rai vyavhar, sans-sans ro mol le, ho bhav-sagar par..
1. lambi kam-krodh ri ghati, mat bhatbhedi khavai. ujjad chalyan kanta chubhsi, majal n naidi avai. kyun tun virtha shakti khapavai? jivan saphal nahin ban pavai. jara kar le aj vichar..
2. man to bar-bar ulajhavai, tan ro jor n chalai. thari khamta jad janijai, man ne gelai ghalai. sainthi ras hath men jhalai, Swami ban kar kam sambhalai. khinchai bhitar valo tar..
3. jhanjhat ghana, jivno thodo, kyun ulajhai tun bhola? dungar phandyan goda phutai, huvai hadka khola. nij ra bhav karai mat mola, sun mat as-pas ra rovtha. uncha kar le shubh sanskar..
4. thodai jitab khatar mat tun, har pachhli baji. 'buddha' nagara ghura jit ra, kar samta nai taji. antar mati ho jyavai saji, shanti basai ghar raji-raji. tharo saphal huvai avatar..