सुजना! दीपां-नंदन शिवपुर-स्यंदन समरिये रे लोय
Sujna! Dipan-Nandan Shivpur-Syandan Samriye Re Loy
2516
सुजना! दीपां-नंदन शिवपुर-स्यंदन समरिये रे लोय — Lyrics
सुजना! दीपां-नंदन शिवपुर-स्यंदन समरिये रे लोय समरण सुखदातारी रे लोय।। धर्म-धुरंध पुण्य-पुरंदर सुंदर रे लोय। आर्हत-मत-अधिकारी रे लोय।।
१. मरुधर देशे अपगत-क्लेशे ऊपनो रे लोय, मंजुल-वेशे मानूं रे लोय। दीपां माता पाईसाता सहु विधे रे लोय, निरखी सुत मिष भानूं रे लोय।।
२. जन्म तंयासी दीक्षा आठ अठारमें रे लोय, द्रव्ये ली गुरु पासे रे लोय आगम बांची साची समकित सारणी रे लोय, खांची मन हुल्लासे रे लोय।।
३. दिल दृढ़धारी विरुद विचारी आपणोरे लोय, गुरु-सन्मुख यूं भाखे रे लोय। संयम पालो सुध मग झालो जैन रो रे लोय, (तो) म्हे तुझ शिष सहु साखे रे लोय।।
४. युग अबद्दे शुभ शब्दे गुरु समझावियो रे लोय, पिण नहिं मानी वाणी रे लोय! मोह-मदिरा मतवाला बाला प्राणिया रे लोय, टेक तजै नहिं ताणी रे लोय।।
५. सतरे संजम धास्यो जन्म सुधारियो रे लोय, दास्थो पाप-प्रनाढो रे लोय। दान दयादिक सोधी भवि प्रतिबोधिया रे लोय छेदी मिथ्या-जाढ़ो रे लोय।।
६. हद हिम्मत धर किम्मत जिनवर पंथ की रे लोय, अधिक बधाई वारू रे लोय। वर मरयाद विवाद परस्पर बाधवा रे लोय, बांधी विविध उदारू रे लोय।।
७. धुर बत्तीसे चरम शर्म हित गुणसठे रे लोय, मध्ये पिण बहु बेला रे लोय। भारिमाल ने युवपद संपद सूंप नै रे लोय, अधिक करी रंगरेला रे लोय।।
८. सकल संत मतिवंत पंथ साचे लही रे लोय, इक गुरुआण अराधो रे लोय। सुगुरुदृष्टि एकंत तंत हियड़े धरी रे लोय, कंत परम सुख साधो रे लोय।।
९. शेषकाल ऋतु-बंध विचाढैं विचरणो रे लोय, धर्म-प्रचाण सारू रे-लोय। दीक्षा शिक्षा देणी भिक्षा-याचना रे लोय, गुरुआणा अधिकारू रे लोय।।
१०. इत्यादिक मर्यादा बांधी शुभमना रे लोय, मुनिमग शुद्ध चलावा रे लोय। देश-प्रदेशगे विचरी बहुजन तारिया रे लोय, भिक्वण तरणी नावा रे लोय,
११. विचरत अन्तिम चोमासे श्री पूज्यजीरे लोय, आया पुर सिरियारी रे लोय। सहु मन भाया जन हरसाया तिण समै रे लोय, पाया सुख नर-नारी रे लोय।।
१२. सावण में गुरु-अंगे आमय ऊपनो रे लोय, सम परिणाम सहायो रे लोय। वर व्याख्यान सुधासम वान सुणावता रे लोय, धीरज हृदय धरायो रे लोय।।
१३. भाद्रव मासे पर्व पजूषण आवियो रे लोय, धर्मोत्साह प्रसारी रे लोय। जन बहु आवै हरष बधावै हूंस स्यूं रे लोय, गावै गुरु-गुण भारी रे लोय।।
१४. छमच्छरी पांचम रो वास कियो खरो रे लोय, छट्ठ पारणो आयो रे लोय। आ र लियो पिण रोग योग गुरु-अंग में रे लोय नहिं पाचनता पायो रे लोय।।
१५. सातम आठम नवमी दिन निज हाथ स्यूं रे लोय, अल्प अन ले व्याग्यो रे लोय। दसमी दिन गुरुमाल सुगुरु पे आविया रे लोय, परम प्रेम मन जाग्यो रे लोय।।
१६. शीष नमावी यूं मन भावी बोलिया रे लोय, मुझ कर आर लिराबो रे लोय। गिण दस मोठ रु चाली चावल गुरु लिया रे लोय, निरखी शिष्य-उम्हावों रे लोय।।
१७. सागारा उपवास कियो एकादशी रे लोय, बारस पचख्यो बेलो रे लोय। पगले-पगले पक्की हाट पधारिया रे लोय, है ओ पादार्पण छेलो रे लोय।।
१८. कहै ब्रह्मचारा उपगारी! आपरी रे लोय, देही खीण पड़े हैरे लोय। गुरुवर भाखे झट तेड़ो गुरुमाल नै रे लोय आया खड़ोखड़ै 'रे लोय।।
१९. और सन्त पिण गुरु-पादान्ते आविया रे लोय, गुरुवर दै यूं शिक्षा रे लोय। ज्यूं मुझ त्यूं ही समझो भारीमाल नै रे लोय, कीज्यो आणग्रतीक्षा रे लोय।।
२०. राखो निश-दिन हेत सचेत सदा रहो रे लोय, शिव-सुख हेत सुकज्जा रे लोय। जिण-तिण नै मति मूंडो ऊंडो सोच ने रे लोय, राखो परभव-लज्जा रे लोय।।
२१. शिक्षा ववण-रयण-वर्षा बहुविध करी रे लोय, नमोत्यु णं उच्चारै रे लोय। तीन आ'रसंथार करी तिण वार में रे लोय, निज आतम उद्धारै रे लोय।।
२२. तेस तिथि दिन डोढ प्रहर चढ़ियां थकां रे लोय, उदक लियो निज हाथे रे लोय। बलि मुहुरत अंदाज हुयां गुरुरायजी रे लोय, बोल्या बाते-बाते रे लोय।।
२३. साम्हा जावो मोद मनावों मुनिवरू रे लोय, मुनिवर-अज्जा आवै रे लोय। विस्मित हुया सुजाण वाण आकस्मिकी रे लोय, कियां इंयां फरमावै रे लोय।।
२४. बीत्यो, मुहुत एक युगल-मुनि आविया रे लोय, ' वेणीराम, कुशालों रे लोय। बलि अश्रमणी-सिंघाड़ो दो मुहुरत हुयां रे लोय, ऊभो नयन निहालो रे लोय।।
२५. गुरुगद वंदे मम आनंदे मुनि-सती रे लोय, लोक अचंभो पावै रे लोय। जाणक अवधिज्ज्ञान स्वाम ने ऊपनो रे लोय, अंग उमंग न मावै रे लोय।।
२६. विमल बुद्धि स्यूं बात कही आगामिकी रे लोय, के कोइ अटकल सारू रे लोय। के कोइ अवधिज्ञान अंत में ऊपनो रे लोय, जाण रह्या जगतारू रे लोय।।
२७. शिष्य-संघ सुविनीत प्रीत धर वीनवै रे लोय, बेठावां इह वारो रे लोय। पोढायां बहु बार हुई मरजी हुवे रे लोय, भस्यो पूज्य हुंकारो रे लोय।।
२८. बेठाकर मुनि निज कर राखी पीठ में रे लोय, सनन््मुख सेवा साझे रे लोय। करता बहु गुणग्राम नाम ले पूज्य रो रे लोय, आत्म उधारण काजे रे लोय।।
२९. लोक शोक तज दर्शण हित बहु आविया रे लोय, रोम-रोम हुलसाया रे लोय। वर उपदेश विशेष हमेश सुणावता रे लोय, त्याग विराग बधाया रे लोय।।
३०. तेरस तर-तर शकक्ती क्षीण शरीर री रे लोय, आलोवण सुध कीधी रे लोय। खमत-खामणा एक-एक रा नाम ले रे लोय, करता वरता सिद्धी रे लोय।!
३१. डोढप्रहह दिन रघ्यो आसरे पाछलो रे लोय तिण अवसर गुरुराया रे लोय। सुखे समाधे सप्त पोर संधार स्यूं रे लोय, सुरवरपदवी पाया रे लोय।।
३२. तेरह खंडी मंडी कीन्ही सहु मिली रे लोय, तरणी तेज विहंडी रे लोय। ऊपर झंडी-मंडित दंडी दमकती रे लोय, शोभे. प्रभा प्रचंडी रे लोय।।
३३. ओच्छब-मोच्छब कीधा अंतिम समय में रे लोय, सहुलौकिक पहचाणो रे लोय। संसारिक व्ययहार साचवै सादरो रे लोय, धर्म-अंश मत जाणो रे लोय।।
३४. जय-जय भिक्षु स्वामी नामी महीतले रे लोय, अतिशयधर अन्दाता रे लोय। अंतरयामी शिवसुखकामी शोभता रे लोय, समरण स्यूं सुखसाता रे लोय।।
३५. तसु पट भारीमाल राय जयजश जिसा रे लोय मघवा माणकलाला रे लोय। डाल भाल सुविशाल सखर कालूगणी रे लोय, जिन-शासन रखवाला रे लोय।।
३६. छिनवै पांच मास पावस बीदाण में रे लोय, चिंहु तीरथ रा मेढा रे लोय। श्री भिक्षू चरमोतस्व तेरस भाद्रवी रे लोय, हुवा घणां रंगरेछा रे लोय।।
३७. मुनिवर गुणचालीस बली श्रमणी मुदा रे लोय, दो-पचास पिछाणी रे लोय। गुरुआणा इकधार अराधे महागुणी रे लोय, तन-मन आनंद माणी रे लोय।।
३८. एक वर्ष में वसु लघुसिंह परिपाटियां रे लोय, भैक्षगगण में चाले रे लोय। बीदासर में च्यार एक 'अमरित' मुनी रे लोय, तीन सती मन माल्हे रे लोय।।
Roman Transliteration
sujna! dipan-nandan shivpur-syandan samriye re loy samaran sukhdatari re loy.. Dharm-dhurandh punya-purandar sundar re loy. arhat-mat-adhikari re loy..
1. marudhar deshe apagat-kleshe upano re loy, manjul-veshe manun re loy. dipan mata paisata sahu vidhe re loy, nirkhi sut mish bhanun re loy..
2. janma tanyasi diksha ath atharmen re loy, dravye li Guru pase re loy agam banchi sachi samkit sarni re loy, khanchi man hullase re loy..
3. dil dridhdhari virud vichari apanore loy, Guru-sanmukh yun bhakhe re loy. sanyam palo sudh mag jhalo Jain ro re loy, (to) mhe tujh shish sahu sakhe re loy..
4. yug abadde shubh shabde Guru samjhaviyo re loy, pin nahin mani vani re loy! moh-madira matvala bala praniya re loy, tek tajai nahin tani re loy..
5. satre sanjam dhasyo janma sudhariyo re loy, dastho pap-pranadho re loy. dan dayadik sodhi bhavi pratibodhiya re loy chhedi mithya-jadho re loy..
6. had himmat dhar kimmat jinavar panth ki re loy, adhik badhai varu re loy. var maryad vivad paraspar badhva re loy, bandhi vividh udaru re loy..
7. dhur battise charam sharma hit gunasthe re loy, madhye pin bahu bela re loy. bharimal ne yuvapad sampad sump nai re loy, adhik kari rangrela re loy..
8. sakal sant mativant panth sache lahi re loy, ik guruan aradho re loy. sugurudrishti ekant tant hiyde dhari re loy, kant param sukh sadho re loy..
9. sheshkal ritu-bandh vichadhain vicharno re loy, Dharm-prachan saru re-loy. diksha shiksha deni bhiksha-yachna re loy, guruana adhikaru re loy..
10. ityadik maryada bandhi shubhamna re loy, munimag shuddha chalava re loy. desh-pradeshge vichri bahujan tariya re loy, bhikvan tarni nava re loy,
11. vicharat antim chomase shri pujyajire loy, aya pur siriyari re loy. sahu man bhaya jan harsaya tin samai re loy, paya sukh nar-nari re loy..
12. savan men Guru-ange amay upano re loy, sam parinam sahayo re loy. var vyakhyan sudhasam van sunavta re loy, dhiraj hriday dharayo re loy..
13. bhadrav mase parva pajushan aviyo re loy, dharmotsah prasari re loy. jan bahu avai harash badhavai huns syun re loy, gavai Guru-gun bhari re loy..
14. chhamachchhari pancham ro vas kiyo kharo re loy, chhattha parno ayo re loy. a r liyo pin rog yog Guru-ang men re loy nahin pachanta payo re loy..
15. satam atham navmi din nij hath syun re loy, alpa an le vyagyo re loy. dasmi din gurumal suguru pe aviya re loy, param prem man jagyo re loy..
16. shish namavi yun man bhavi boliya re loy, mujh kar ar lirabo re loy. gin das moth ru chali chaval Guru liya re loy, nirkhi shishya-umhavon re loy..
17. sagara upavas kiyo ekadshi re loy, baras pachakhyo belo re loy. pagle-pagle pakki hat padhariya re loy, hai o padarpan chhelo re loy..
18. kahai brahmachara upagari! apari re loy, dehi khin pade haire loy. guruvar bhakhe jhat tedo gurumal nai re loy aya khadokhdai 're loy..
19. aur santa pin Guru-padante aviya re loy, guruvar dai yun shiksha re loy. jyun mujh tyun hi samjho bharimal nai re loy, kijyo anagratiksha re loy..
20. rakho nish-din het sachet sada raho re loy, shiv-sukh het sukajja re loy. jin-tin nai mati mundo undo soch ne re loy, rakho parabhav-lajja re loy..
21. shiksha vavan-rayan-varsha bahuvidh kari re loy, namotyu nam uchcharai re loy. tin a'rasnthar kari tin var men re loy, nij atam uddharai re loy..
22. tes tithi din dodh prahar chadhiyan thakan re loy, udak liyo nij hathe re loy. bali muhurat andaj huyan gururayji re loy, bolya bate-bate re loy..
23. samha javo mod manavon munivru re loy, munivar-ajja avai re loy. vismit huya sujan van akasmiki re loy, kiyan inyan pharmavai re loy..
24. bityo, muhut ek yugal-Muni aviya re loy, ' veniram, kushalon re loy. bali ashramni-singhado do muhurat huyan re loy, ubho nayan nihalo re loy..
25. gurugad vande mam anande Muni-sati re loy, lok achambho pavai re loy. janak avadhijjnan svam ne upano re loy, ang umang n mavai re loy..
26. vimal buddhi syun bat kahi agamiki re loy, ke koi atakal saru re loy. ke koi avadhijnan ant men upano re loy, jan rahya jagtaru re loy..
27. shishya-Sangh suvinit prit dhar vinvai re loy, bethavan ih varo re loy. podhayan bahu bar hui marji huve re loy, bhasyo pujya hunkaro re loy..
28. bethakar Muni nij kar rakhi pith men re loy, sanan्mukh seva sajhe re loy. karta bahu gunagram nam le pujya ro re loy, atma udharan kaje re loy..
29. lok shok taj darshan hit bahu aviya re loy, rom-rom hulsaya re loy. var upadesh vishesh hamesh sunavta re loy, tyag virag badhaya re loy..
30. teras tar-tar shakakti kshin sharir ri re loy, alovan sudh kidhi re loy. khamat-khamna ek-ek ra nam le re loy, karta varta siddhi re loy.!
31. dodhaprahah din raghyo asare pachhlo re loy tin avasar gururaya re loy. sukhe samadhe sapta por sandhar syun re loy, suravarapadvi paya re loy..
32. terah khandi mandi kinhi sahu mili re loy, tarni tej vihndi re loy. upar jhandi-mandit dandi damakti re loy, shobhe. prabha prachndi re loy..
33. ochchhab-mochchhab kidha antim samay men re loy, sahulaukik pahchano re loy. sansarik vyayhar sachvai sadro re loy, Dharm-ansh mat jano re loy..
34. jay-jay Bhikshu Swami nami mahitle re loy, atishayadhar andata re loy. antaryami shivsukhakami shobhta re loy, samaran syun sukhsata re loy..
35. tasu pat bharimal ray jayajash jisa re loy Maghava manaklala re loy. dal bhal suvishal sakhar Kalugani re loy, Jin-shasan rakhvala re loy..
36. chhinvai panch mas pavas bidan men re loy, chinhu tirath ra medha re loy. shri bhikshu charmotasva teras bhadravi re loy, huva ghanan rangrechha re loy..
37. munivar gunchalis bali shramni muda re loy, do-pachas pichhani re loy. guruana ikadhar aradhe mahaguni re loy, tan-man anand mani re loy..
38. ek varsha men vasu laghusinh paripatiyan re loy, bhaikshagagan men chale re loy. bidasar men chyar ek 'amarit' muni re loy, tin sati man malhe re loy..