सुगुरु पिछाणो इण आचारे
Suguru Pichhano In Achare
2514
सुगुरु पिछाणो इण आचारे — Lyrics
सुगुरु पिछाणो इण आचारे
सुगुरु पिछाणो इण आचारे, सम्यक्त्व जेहने शुद्ध जी। कहणी करणी एकज सरखी, अहनिशि धर्म विलुब्ध जी।।१।।
निरतिचार महाव्रत पाले, टाले सगला दोष जी। चारित्र सूं लयलीन रहे नित, चित्त में सदा सन्तोष जी।।२।।
जीव सहू नां जे छै पीहर, पीड़े नहीं षट काय जी। आप वेदन पर वेदन सरीखी, न हणे न करे घाय जी।।३।।
मोह कर्म ने जे वश न पड़े, नीरागी निर्माय जी। जयणा करतो हलवे चाले, पूंजी मूके पाय जी।।४।।
आुरहो परहो दृष्टि न देखे, न करे चालतां बात जी। दूषण रहित सूझतो देखे, तो लिये पाणी भात जी।।५।।
भूख तृषा पीड्यां दुख पीडै़, छूटे जो निज प्राण जी। तो पिण अशुद्ध आहार न लेवै, जिनवर आण प्रमाण जी।।६।।
अरस नीरस आहार गवेषे, सरस तणी नहि चाह जी। इम करतां जो सरस मिले तो, हर्ष नहीं मन मांह जी।।७।।
शीत काले शीते तनु सूखे, ऊनाले रवि ताप जी। विकट परीषह घट अहियासे, नाणे मन सन्ताप जी।।८।।
(लय : ओ मल रे सीतापति केरो)
मारे कूटे करे उपद्रव, कोई कलंक दे शीश जी। कर्म तणां फल जाण उदीरे, पिण नाणे मन रीस जी।।९।।
मन वच काया जे नवि इण्डे, छंडे पांच प्रमाद जी। पांच प्रमाद संसार बधारे, जाणे ते नि:स्वाद जी।।१०।।
सरल स्वभाव भावे मनरूडे, न करे वाद-विवाद जी। चार कषाय कर्म ना कारण, वर्जे मद उन्माद जी।।११।।
पाप स्थान अठारह वर्जे, न करे तास प्रसंग जी। विकथा मुख थी चार निवारे, सुमति गुप्ति सूं रंग जी।।१२।।
अंग उपंग सिद्धान्त बखाणे, दे सूधो उपदेश जी। सूधे मार्गे चाले चलावे, पंचाचार विशेष जी।।१३।।
दश विध यति-धर्म जिन भाख्यो, तेहनां धारण हार जी। धर्म थकी जे किम ही न चूके, जो हुए क्रोड़ प्रकार जी।।१४।।
जीव तणी हिंसा जे न करे, न वदे मृषावाद जी। तृणमात्र अण दीधो न लेवे, सेवे नहिं अब्रह्मचार जी।।१५।।
नव विध परिग्रह मूल न राखे, निशि भोजन परिहार जी। क्रोध मान माया ने ममता, न करे लोभ लिगार जी।।१६।।
ज्योतिष आगम निमित्त न भाखे, न करावे आरम्भ जी। औषध न करे नाड़ी न जोवे, सदा रहे निरारम्भ जी।।१७।।
डाकिनी शाकिनी भूतणी न काढ़े, न करे हलवो हाथ जी। मन्त्र यन्त्र नीं राखड़ी करी ते, नवि आपे परमार्थ जी।।१८।।
विचरे ग्राम नगर पुर सगले, न रहे एकण ठाम जी। चौमासा ऊपर चौमासो, न करे एकण ग्राम जी।।१९।।
चाकर नफर पासे नवि राखे, न करावे कोई काज जी। न्हावण धोवण वेश बणावण, नहिं करे शरीर नो साज जी।।२०।।
ब्याज बट्ठानो नाम न जाणे, न करे वणिज व्यापार जी। धर्म हाट माण्डी ने बैठा, बणिजे पर उपकार जी।।२१।।
ते गुरु तरे औरां ने तारे, सागर मां जिम जहाज जी। काष्ठ प्रसंगे लोह तरे जिम, तिम सुगुरु संगति पाज जी।।२२।।
सुगुरु प्रकाशक लोचन सरिखा, ज्ञान तणा दातार जी। सुगुरु दीपक घट अन्तर केरा, दूर करे अन्धकार जी।।२३।।
सुगुरु अमृत सरीखा शीतल, देवे अमरगति वास जी। सुगुरु तणी सेवा नित करतां, छूटे कर्म नों पाश जी।।२४।।
सुगुरु पचीसी श्रवणे सुणीने, करज्यो सुगुरु प्रसंग जी। कहे जिन हर्ष सुगुरु सुपसाये, ज्ञान हर्ष उछरंग जी।।२५।।
Roman Transliteration
suguru pichhano in achare
suguru pichhano in achare, samyaktva jehne shuddha ji. kahni karni ekaj sarkhi, ahanishi Dharm vilubdha ji..1..
nirtichar mahavrat pale, tale sagla dosh ji. charitra sun laylin rahe nit, chitta men sada santosh ji..2..
jiv sahu nan je chhai pihar, pide nahin shat kay ji. ap vedan par vedan sarikhi, n hane n kare ghay ji..3..
moh Karm ne je vash n pade, niragi nirmay ji. jayna karto halve chale, punji muke pay ji..4..
uraho parho drishti n dekhe, n kare chaltan bat ji. dushan rahit sujhto dekhe, to liye pani bhat ji..5..
bhukh trisha pidyan dukh pidai, chhute jo nij pran ji. to pin ashuddha ahar n levai, jinavar an praman ji..6..
aras niras ahar gaveshe, saras tani nahi chah ji. im kartan jo saras mile to, harsha nahin man manh ji..7..
shit kale shite tanu sukhe, unale ravi tap ji. vikat parishah ghat ahiyase, nane man santap ji..8..
(lay : o mal re sitapti kero)
mare kute kare upadrav, koi kalank de shish ji. Karm tanan phal jan udire, pin nane man ris ji..9..
man vach kaya je navi inde, chhande panch pramad ji. panch pramad sansar badhare, jane te ni:svad ji..10..
saral svabhav bhave manrude, n kare vad-vivad ji. char kashay Karm na karan, varje mad unmad ji..11..
pap sthan atharah varje, n kare tas prasang ji. viktha mukh thi char nivare, sumti gupti sun rang ji..12..
ang upang siddhanta bakhane, de sudho upadesh ji. sudhe marge chale chalave, panchachar vishesh ji..13..
dash vidh yati-Dharm Jin bhakhyo, tehnan dharan har ji. Dharm thaki je kim hi n chuke, jo hue krod prakar ji..14..
jiv tani hinsa je n kare, n vade mrishavad ji. trinmatra an didho n leve, seve nahin abrahmachar ji..15..
nav vidh parigrah mul n rakhe, nishi bhojan parihar ji. krodh man maya ne mamta, n kare lobh ligar ji..16..
jyotish agam nimitta n bhakhe, n karave arambha ji. aushadh n kare nadi n jove, sada rahe nirarambha ji..17..
dakini shakini bhutni n kadhe, n kare halvo hath ji. mantra yantra nin rakhdi kari te, navi ape parmartha ji..18..
vichre gram nagar pur sagle, n rahe ekan tham ji. chaumasa upar chaumaso, n kare ekan gram ji..19..
chakar naphar pase navi rakhe, n karave koi kaj ji. nhavan dhovan vesh banavan, nahin kare sharir no saj ji..20..
byaj batthano nam n jane, n kare vanij vyapar ji. Dharm hat mandi ne baitha, banije par upakar ji..21..
te Guru tare auran ne tare, sagar man jim jahaj ji. kashtha prasnge loh tare jim, tim suguru sangti paj ji..22..
suguru prakashak lochan sarikha, jnan tana datar ji. suguru dipak ghat antar kera, dur kare andhakar ji..23..
suguru amrit sarikha shital, deve amaragti vas ji. suguru tani seva nit kartan, chhute Karm non pash ji..24..
suguru pachisi shravne sunine, karajyo suguru prasang ji. kahe Jin harsha suguru supsaye, jnan harsha uchharang ji..25..