स्वामीजी रै नाम री सब रोज फेरो माळा
Svamiji Rai Nam Ri Sab Roj Phero Mala
3033
स्वामीजी रै नाम री सब रोज फेरो माळा — Lyrics
स्वामीजी रै नाम री, सब रोज फेरो माळा, सांवरियै रै नाम री, सब रोज फेरो माळा। सब रोज फेरो माळा, ज्यू होवै मंगल माळा रे।।
स्वर्गां रा फाटक भी खुलज्या, ईं माळा रै जप स्यूं, अटक्योड़ा सब काम निकळज्या, स्वामीजी रै तप स्यूं। ओ बड़ो जबर अभिधान है, ओ काटै कष्ट वितान है, भिक्षु-भिक्षु रटतां-रटतां, हो ज्यावो मतवाळा रे।।
तप संयम का फूल खिल्या है, बाबै री बगियां में, आओ सारा मिलजुल न्हावां, ईं गण री नदियां में। ओ अत्राणां रो त्राण है, ओ अप्राणां रो प्राण है, दीपां मां रो सपनो फळग्यो, बणग्यो गण मधुशाला रे।।
बलिदानी वीरां रा धरती, गीत यशोमय गावै, सूरज चाँद सितारा थांरै, गण नै देखण आवै। ओ शिवपुर रो राकेट है, ओ बड़ो धर्म मार्केट है, ईं गण नै के उपमा देवां, नर अन्वेषण शाळा रे।।
समतारी के बात बतावां, जहर हलाहल पीग्या, मरघट पर डेरा देवणिया, उदाहरण बण जीग्या। के करां कष्ट व्याख्यान जी, थे मोड़ दिया तूफान जी, विष की घंटां यूं बण ज्यावै, देखो अमृत प्याला रे।।
Roman Transliteration
svamiji rai nam ri, sab roj phero mala, sanvriyai rai nam ri, sab roj phero mala. sab roj phero mala, jyu hovai Mangal mala re..
svargan ra phatak bhi khulajya, in mala rai jap syun, atakyoda sab kam nikalajya, svamiji rai tap syun. o bado jabar abhidhan hai, o katai kashta vitan hai, Bhikshu-Bhikshu rattan-rattan, ho jyavo matvala re..
tap sanyam ka phul khilya hai, babai ri bagiyan men, ao sara miljul nhavan, in gan ri nadiyan men. o atranan ro tran hai, o apranan ro pran hai, dipan man ro sapno phalagyo, banagyo gan madhushala re..
balidani viran ra dharti, git yashomay gavai, suraj chand sitara thanrai, gan nai dekhan avai. o shivpur ro raket hai, o bado Dharm market hai, in gan nai ke upama devan, nar anveshan shala re..
samtari ke bat batavan, jahar halahal pigya, maraghat par dera devniya, udaharan ban jigya. ke karan kashta vyakhyan ji, the mod diya tuphan ji, vish ki ghantan yun ban jyavai, dekho amrit pyala re..