उड़ान —
Udan —
2765
उड़ान — — Lyrics
उड़ान — सौभागी आपां घणां, पायो संघ महान्, पूरब करणी रो फल्यो, कल्पवृक्ष फलवान् ।। ओ शासन से बड़लो दिन प्रतिदिन बढ़तो जावै रे, इणरी शीतल छाया में मन मोद मनावै रे ।।
मरुधर री धरती पर बाबो भिखण रूंख लगायो रे, उत्तरवर्ती आचारज इणनैं फलवान् बणायो रे, महाश्रमण गणताज आज इणनै विकसावै रे ।।1।।
तूफानां में भी न हिलै इणरी नींवां है गहरी रे, त्यागी और तपस्वी संत—सत्यां हैं इणरा प्रहरी रे, जन—जन से है ओ आलम्बन घणो सुहावै रे ।।2।।
कल्पवृक्ष ज्यू शोभै शासन श्रद्धा स्यूं जो सेवै रे, अक्षय सुख रो स्रोत बहाकर आधि—व्याधि हर लेवै रे, मूर्च्छित प्राणां में ज्यूं नई चेतना आवै रे ।।3।।
सद्गुण फल—फूलां स्यूं लडालूम है डाली—डाली रे, गणमाली री छत्रछांह में सदा रहै खुशहाली रे, दशां दिशां में संयम री सौरभ फैलावै रे ।।4।।
इणरै गौरव नै दूजो कोई भी छू नहीं पावै रे, है आदर्श जगत् में श्रद्धा स्यूं सब शीश झुकावै रे, ‘विजय’ संघ चरणां में तन—मन भेंट चढ़ावै रे ।।5।।
Roman Transliteration
udan — saubhagi apan ghanan, payo Sangh mahan, purab karni ro phalyo, kalpavriksha phalvan .. o shasan se badlo din pratidin badhto javai re, inari shital chhaya men man mod manavai re ..
marudhar ri dharti par babo bhikhan runkh lagayo re, uttaravarti acharaj inanain phalvan banayo re, Mahashraman gantaj aj inanai viksavai re ..1..
tuphanan men bhi n hilai inari ninvan hai gahri re, tyagi aur tapasvi sant—satyan hain inara prahri re, jan—jan se hai o alamban ghano suhavai re ..2..
kalpavriksha jyu shobhai shasan shraddha syun jo sevai re, akshay sukh ro srot bahakar adhi—vyadhi har levai re, murchchhit pranan men jyun nai chetna avai re ..3..
sadgun phal—phulan syun ladalum hai dali—dali re, ganmali ri chhatrachhanh men sada rahai khushhali re, dashan dishan men sanyam ri saurabh phailavai re ..4..
inarai gaurav nai dujo koi bhi chhu nahin pavai re, hai adarsha jagat men shraddha syun sab shish jhukavai re, ‘vijay’ Sangh charnan men tan—man bhent chadhavai re ..5..