उड़ान-ओ तन माटी रो दियो, जलै ज्ञान री ज्योत,
Udan-O Tan Mati Ro Diyo, Jalai Jnan Ri Jyot,
2758
उड़ान-ओ तन माटी रो दियो, जलै ज्ञान री ज्योत, — Lyrics
उड़ान-ओ तन माटी रो दियो, जलै ज्ञान री ज्योत, मन्दिर है भगवान् रो, भव सागर रो पोत।।
ओ मानव तजकर नींद तूं प्रभु नाम सुमरले रे, सुकृत रे फूलां स्यूं अपणी झोली भरलै रे।।
पूरव संचित करणी स्यूं ओ मिल्यो तनै वरदान रे, है अनमोल रतन कोड्यां मैं खौवै क्यूं नादान रे, इण नावा स्यूं जनम-मरण रो सागर तरलै रे।।१।।
दुर्व्यसनां रे दलदल स्यू, मत कर जीवन नै मेलो रे, संकड़ी पंगडंड्यां नै छोड़ पकड़ तूं सीधो गेलो रे, संतां री हितकारी शिक्षा तूं अनुसरलै रे।।२।।
जब तक जीणो तब तक सीणो, अनुभवियां री वाणी रे, इण खटखट में ही बैलां ने अरे पिलादै पाणी रे, जन्म-मरण रा शाश्वत दुखड़ा अपणा हरलै रे।।३।।
बीत रही अनमोल घड्यां बै पाछी लौट न आवैरे, टिम-टिम करै दीवलो ओ कुण जाणै कद बुझ ज्यावै रे, अवसर रहतां परमारथ रो साधन करलै रे।।४।।
भली-बुरी जो भी है करणी पड़सी तुझनै भरणी रे, कर्मां सारू पड़े भुगतणी नन्दन वन वैतरणी रे, 'विजय' सम्पदा त्याग-तपस्या री तूं वरलै रे।।५।।
Roman Transliteration
udan-o tan mati ro diyo, jalai jnan ri jyot, mandir hai bhagvan ro, bhav sagar ro pot..
o manav tajakar nind tun Prabhu nam sumarle re, sukrit re phulan syun apani jholi bharlai re..
purav sanchit karni syun o milyo tanai vardan re, hai anamol ratan kodyan main khauvai kyun nadan re, in nava syun janam-maran ro sagar tarlai re..1..
durvyasnan re daladal syu, mat kar jivan nai melo re, sankdi pangadandyan nai chhod pakad tun sidho gelo re, santan ri hitkari shiksha tun anusarlai re..2..
jab tak jino tab tak sino, anubhviyan ri vani re, in khatakhat men hi bailan ne are piladai pani re, janma-maran ra shashvat dukhda apana harlai re..3..
bit rahi anamol ghadyan bai pachhi laut n avaire, tim-tim karai divlo o kun janai kad bujh jyavai re, avasar rahtan parmarath ro sadhan karlai re..4..
bhali-buri jo bhi hai karni padsi tujhnai bharni re, karman saru pade bhugatni nandan van vaitarni re, 'vijay' sampada tyag-tapasya ri tun varlai re..5..