वृक्ष तणो ज्यूं पाको पानड़ों रे
Vriksha Tano Jyun Pako Pandon Re
2866
वृक्ष तणो ज्यूं पाको पानड़ों रे — Lyrics
वृक्ष तणो ज्यूं पाको पानड़ों रे
वृक्ष तणो ज्यूं पाको पानड़ो रे, पड़तां न लागै लम्बी बार रे।, ज्यूं तूटै आउखै मरतां मिनखं नै रे, कोई न दीखै राखणहार रे। ढील मत करज्यो चतुरां धर्म नीं रे।।१।।
मात पितादिक ऊभा मेलने रे, परभव जासी एकलड़ो आप रे। बिछुङ्या पाछा तो मिलणो दोहिलो रे, कुण गत में जासी मां बेटो ने बाप रे।।२।।
जीवड़ो तो उलझ रह्मो माया मझे रे, त्रिया बलि मात पितादिक मांय रे। तांणा बेजो तिण रै लागो घणो रे, आशा अलूधी छोड़ी जाय रे।।३।।
जीव काया छोड़ै तिण अवसरै रे, चिन्तवै मन में घणा जंजाल रे। मैं धन जीवन रो लाहो लियो नहीं रे, बिल बिल करतो कर ज्यावै काल र।।४।।
जीवड़ो तो जाणै केई दिन थिर रहूं रे, पिण मरण आगै नहीं चालै जोर रे। जनम मरण री सारा जगत में रे, मुद्दा तो एहिज़ मोटी खोड़ रे।।५।।
धन गडियो ने लेहणो लोक में रे, जाणै पुत्र ने देऊं बताय रे। जीभ थकी न आवै बोलणो रे, ते पिण रह गई मन माय रे।।६।।
कांई कीधो ने काई करणो अछै रे, हाट हवेली ने बिणज व्योपार रे। माया मेलूं मेल करतो फिरै रे, काल अणचिन्त्यो न्हाखै मार रे।।७।।
काया माया ए सारी कारमी रे, कारमो सगलोई परिवार रे। मिल मिल सगलाई बिललाविया रे, अधिर सगलोई ए संसार रे।।८।।
एहवो अथिर आउखो जाणने रे, करो जिनेश्वर भाख्यो धर्म रे। जो सुधगति जरूरी हुंदै चावना रे, तो दिन दिन पतला पाड़ो कर्म रे।।९।।
(लय : आउखो तूटी ने सांधो)
Roman Transliteration
vriksha tano jyun pako pandon re
vriksha tano jyun pako pando re, padtan n lagai lambi bar re., jyun tutai aukhai martan minakham nai re, koi n dikhai rakhanhar re. dhil mat karajyo chaturan Dharm nin re..1..
mat pitadik ubha melne re, parabhav jasi ekaldo ap re. bichhunya pachha to milno dohilo re, kun gat men jasi man beto ne bap re..2..
jivdo to ulajh rahmo maya majhe re, triya bali mat pitadik many re. tanna bejo tin rai lago ghano re, asha aludhi chhodi jay re..3..
jiv kaya chhodai tin avasrai re, chintavai man men ghana janjal re. main dhan jivan ro laho liyo nahin re, bil bil karto kar jyavai kal ra..4..
jivdo to janai kei din thir rahun re, pin maran agai nahin chalai jor re. janam maran ri sara jagat men re, mudda to ehiz moti khod re..5..
dhan gadiyo ne lehno lok men re, janai putra ne deun batay re. jibh thaki n avai bolno re, te pin rah gai man may re..6..
kani kidho ne kai karno achhai re, hat haveli ne binaj vyopar re. maya melun mel karto phirai re, kal anachintyo nhakhai mar re..7..
kaya maya e sari karmi re, karmo sagloi parivar re. mil mil saglai billaviya re, adhir sagloi e sansar re..8..
ehavo athir aukho janne re, karo jineshvar bhakhyo Dharm re. jo sudhagti jaruri hundai chavna re, to din din patla pado Karm re..9..
(lay : aukho tuti ne sandho)