अनशन गीत
Anashan Git
6
अनशन गीत — Lyrics
लागी लागी नाव किनारे अब लागी हो । जनम सुधार्यो थे तो सांतरो ।।
कुण बेटो कुण बाप जगत में, सारी सुपने री माया । ममता मत करज्यो नश्वर देह री ।।
बड़ो कठिन है मन नै दमणो, खमणो और खमाणो हो । गांठ मत रखज्यो मन में नेह री ।।
कुण है अपणो और परायो, नाम प्रभु रो जपणो हो । ओ ही है सम्बल साचो जीव रो ।।
जीती जबरी बाजी थे तो, सफल कियो अवतार हो । कित्ती समता है थोरै त्याग में ।।
सरलभाव स्यूं खमत—खामणा, अब सारा स्यूं करलिज्यो हो । खमणो—खमाणो मोटो धर्म है ।।
जैन धर्म और भिक्षु शासन, तुलसी सा गण नाथ मिल्या । त्यागी संतां रो शरणो सार है ।।
शरणो है अरिहंत देव रो, सिद्ध साधु रो शरणो है । शरणो साचो है जिन धर्म रो ।।
Roman Transliteration
lagi lagi nav kinare ab lagi ho . janam sudharyo the to santro ..
kun beto kun bap jagat men, sari supne ri maya . mamta mat karajyo nashvar deh ri ..
bado kathin hai man nai damno, khamno aur khamano ho . ganth mat rakhajyo man men neh ri ..
kun hai apano aur parayo, nam Prabhu ro japno ho . o hi hai sambal sacho jiv ro ..
jiti jabri baji the to, saphal kiyo avatar ho . kitti samta hai thorai tyag men ..
saralbhav syun khamat—khamna, ab sara syun karlijyo ho . khamno—khamano moto Dharm hai ..
Jain Dharm aur Bhikshu shasan, Tulsi sa gan nath milya . tyagi santan ro sharno sar hai ..
sharno hai Arihant Dev ro, Siddha sadhu ro sharno hai . sharno sacho hai Jin Dharm ro ..