आओ स्वामीजी!
Ao Svamiji!
246
आओ स्वामीजी! — Lyrics
आओ स्वामीजी! आतमा री जोत जगाओ स्वामीजी! चरण-शरण मैं आयो, श्रद्धा-दीप जलायो, अन्तर्मन हुलसायो, आओ स्वामीजी!।।
१. घोर कलिकाल में थे साचा अवतारी हा, सूरज री उगाली ज्यूं अडीकता संसारी हा, ओ.....भटक्योड़ी चेतना नै सुपथ दिखायो।
२. तत्त्व की पिछाण थारी बहुत ही अनूठी ही, मोक्ष के ही सामने, संसार स्यूं अपूठी ही, ओ.....खोट न खटाई, सोनो विशुद्ध बणायो।
३. मान-अपमान दोनूं घोळ कर थे पीग्या हा, द्वेष की न छांट लागी, करुणा स्यूं भीग्या हा, ओ.....सिक्को धरम रो जग में जबर जमायो।
४. कष्टां नै साथी मान हंस-हंस झेल्या हा, परिसां रै सागै सदा निरभै हो खेल्या हा, ओ.....महावीर वाळो सागी विरुद निभायो।
५. पाली में चौमास और मोच्छव भी भेळो है, 'बुद्ध' च्यारूं तीर्थ वाळो आछो आज मेळो है, ओ.....मर्यादा रो भारी रंग बरसायो।
Roman Transliteration
ao svamiji! atama ri jot jagao svamiji! charan-sharan main ayo, shraddha-dip jalayo, antarman hulsayo, ao svamiji!..
1. ghor kalikal men the sacha avatari ha, suraj ri ugali jyun adikta sansari ha, o.....bhatakyodi chetna nai supath dikhayo.
2. tattva ki pichhan thari bahut hi anuthi hi, Moksha ke hi samne, sansar syun aputhi hi, o.....khot n khatai, sono vishuddha banayo.
3. man-apaman donun ghol kar the pigya ha, dvesh ki n chhant lagi, karuna syun bhigya ha, o.....sikko dharam ro jag men jabar jamayo.
4. kashtan nai sathi man hans-hans jhelya ha, parisan rai sagai sada nirbhai ho khelya ha, o.....Mahavir valo sagi virud nibhayo.
5. pali men chaumas aur mochchhav bhi bhelo hai, 'buddha' chyarun tirtha valo achho aj melo hai, o.....maryada ro bhari rang barsayo.