हरदम नाच नचावै
Haradam Nach Nachavai
948
हरदम नाच नचावै — Lyrics
हरदम नाच नचावै
ई मन रो-२, काम करड़ों है भाई! ई मन रो, हरदम नाच नचावै, पल-पल पलटा खावै, दुनियां नै भटकावै।।
१. एक पल टिकै कोनी बंदर ज्यूं फांदै है, दिन-रात आशा रा बंधाण नया बांधै है, हो..... बाजीगर-सा खेल दिखावै
२. आठ पहर लालसा के रंग्यो रवै रंग में, लोगां नै दिखाणै ताई जावै सत्संग में, हो... तीरथां में बुगलों ध्यान लगावै।
३. मूंछां ऊपर तांव देकर, गरजे अभिमान में, मरम की पिछाणै कोनी डूब्यो अज्ञान में, हो... भूंडा भलां नै चकरी चढ़ावै।
४. क्रोध में हो बावलो सांप ज्यूं फुंकारै है, भान भूल्यो आप रो सिंह ने ललकारै है, हो... हर क्षण नया-नया रूप रचावै।
५. मकड़ी ज्यूं रात दिन जाल ओ फैलावै है, कोई माखी आवै तो फदै में फंसावै है, हो... स्याणो बण्यो पण खोट चलावै।
६. अंकुश बिना को हाथी घोड़ों बिना लगाम को, बिल्कुल ना वश में आवै-चावै सदा हराम को, हो... 'मोहन' मन रो... भेद बतावै।
Roman Transliteration
haradam nach nachavai
i man ro-2, kam kardon hai bhai! i man ro, haradam nach nachavai, pal-pal palta khavai, duniyan nai bhatkavai..
1. ek pal tikai koni bandar jyun phandai hai, din-rat asha ra bandhan naya bandhai hai, ho..... bajigar-sa khel dikhavai
2. ath pahar lalsa ke rangyo ravai rang men, logan nai dikhanai tai javai satsang men, ho... tirthan men buglon dhyan lagavai.
3. munchhan upar tanv dekar, garje abhiman men, maram ki pichhanai koni dubyo ajnan men, ho... bhunda bhalan nai chakri chadhavai.
4. krodh men ho bavlo samp jyun phunkarai hai, bhan bhulyo ap ro sinh ne lalkarai hai, ho... har kshan naya-naya rup rachavai.
5. makdi jyun rat din jal o phailavai hai, koi makhi avai to phadai men phansavai hai, ho... syano banyo pan khot chalavai.
6. ankush bina ko hathi ghodon bina lagam ko, bilkul na vash men avai-chavai sada haram ko, ho... 'mohan' man ro... bhed batavai.