बाबो अलबेलो छोड़ झमेलो

बाबो उपकारी, जावां बलिहारी,

Babo Upakari, Javan Balihari,

बाबो अलबेलो छोड़ झमेलो

Record no.342

बाबो उपकारी, जावां बलिहारी, — Lyrics

बाबो उपकारी, जावां बलिहारी, मन मन्दिर री मूरत, म्है हां पुजारी ।।

गहन अमां में चमक्यो बण ध्रुव तारो, धरती पर ज्यूं फैल्यो ज्ञान उजारो, थांरी शरण है जग में मंगलकारी ।।1।।

सिंह सुपन स्यूं माता हरस मनायो, कण्टालियै रो गौरव शिखरां चढ़ायो, कर दिखलायो बो जो मन में धारी ।।2।।

द्वेषी जनां रा कटु वच सहन कर्या हा, तूफानां में भी डग आगै धर्या हा, जिनवाणी स्यूं जोड़ी ही इकतारी ।।3।।

बाबै भिखण री सचमुच अकथ कहाणी, गूंज रही है जन—जन री आ जुबानी, कलयुग में हा सतजुग रा अवतारी ।।4।।

सिरियारी में बाबो सुरग सिधायो, ‘विजय’ धर्म रो साचो पथ दिखलायो, नाम जपै है नित उठकर नर नारी ।।5।।

babo upakari, javan balihari, man mandir ri murat, mhai han pujari ..

gahan aman men chamakyo ban dhruv taro, dharti par jyun phailyo jnan ujaro, thanri sharan hai jag men mangalkari ..1..

sinh supan syun mata haras manayo, kantaliyai ro gaurav shikhran chadhayo, kar dikhlayo bo jo man men dhari ..2..

dveshi janan ra katu vach sahan karya ha, tuphanan men bhi dag agai dharya ha, jinvani syun jodi hi ikatari ..3..

babai bhikhan ri sachmuch akath kahani, gunj rahi hai jan—jan ri a jubani, kalyug men ha satjug ra avatari ..4..

siriyari men babo surag sidhayo, ‘vijay’ Dharm ro sacho path dikhlayo, nam japai hai nit uthakar nar nari ..5..