भिक्षु गुण-स्तवन
Bhikshu Gun-Stavan
434
भिक्षु गुण-स्तवन — Lyrics
भिक्षु गुण-स्तवन मिल्यो फन्द काटण हारो रे, बीजो नहीं भरत मझारो रेश पूज्य बिन अहल जमारो रे, भविजन! थे काई हारो रे।।
१. राजनगर भणतां थकां रे, उधड़ी आभ्यन्तर आंख। साधपणै रो जन्म केलवे, पूज्य काढ्यो देही नो बांक।।
२. देश विदेश श्री पूज्य जी रे, काट्या भविक नां फन्द। वेषधार्यां मां सूं इण विधि आया, ज्यूं काले बादल मां सूं चन्द
३. अग्नि चश्मो रवि सामो कियां रे, हैठे अछती उठ जावे आग। चश्मा ज्यं वाणी वैराग्य भविक रे, जब हियो जावे जाग
४. मिथ्यात्व फन्द मोटो घणो रे, फन्द इसो नहिं कोय। ते फन्द ने दूर निवारियो तो, पूज्य जिसा कुण होय
५. सतगुरु बिन समकित नहीं रे, समकित बिन नहिं नेम। नेम बिना कर्म बोहला बांधे, थारो अहल जमारो एम।।
६. रोगी रो-रोग देख्यां थकां रे, करतो धन्वन्तरि नाश। जूं हलुकर्मी रो मिथ्यात्व रोग देख नें, पूज्य कर देवे तुरतविनाश।।
७. टीकम डोसी बोध बमि गयो रे, पड़ गयो उलटी ताण। श्री पूज्यजी बोध शुरु कर मेल्यो, वेगो जातो दीसे निर्वाण।।
८. टीकम कहे श्री पूज्य जी रे, उद्योत दिन कियो मुनिराय। शोभो कहै पूर्व ज्ञान बिना, बां सूं पूरो कह्यो नहिं जायी
९. मेवाड़ मरुधर मां सूं निकालिया रे, साघु साधवियां रा थाट। श्रावक श्राविका श्री पूज्य जी रे, किया घणा गहघाट।।
१०.फन्द काटण समर्थ घणां रे, अल्प कटावण हार। छते योग जीव होय धेटा, त्यांने दै शोभो धिक्कार
११. पहिला पाखंडी इम भाखता रे, नहीं साधपणे में सन्ध। अब साध चौड़े होय गया, थे नहिं मानो तो पूरा निरन्ध।।
१२. सोनो पीतल सर्व एक छै रे, पीला री प्रतीत। ज्यूं भेख देखी ने बापड़ा भूल्या, सबको कहै सन्त अतीत।।
१३. साधु लक्षण सर्व एहमां रे, जे भाख्या जगनाथ। पत्थर आंधां नै दे भड़काया, ते किमि आवै हाथ
१४. मन्त्री मन्त्री भाठा मेलतां रे, दुश्मन री प्रतीत। तसु कोई साधु निन्दै ने पाखण्डी वन्दै, करी आंधावाली रीत।।
१५. थांने छता साधु सूझै नहिं रे, कर्म पातक लिया घेर। थारै आभ्यन्तर आंखां में खोटी श्रद्धा री, वेशधारी सळाई दीनी फेर।।
१६. मात वचन सुत साम्भली रे, ऊंधो ग्रहे तिण बार। ज्यूं खर री पूंछ ग्रही मूढ़ भूल्यो, ज्यूं भूल्या मूढ़ गंवार
१७. हाथे हथकड़ी बेड़ी गहणो गिणै रे, ज्यूं काढ़े ज्यूं रोष। खोटी श्रद्धा रो गहणो करि बैठा, हिवै किसो भीखण जी रो दोष।।
१८. थांरी भाषा रा थे ही अजाण छो रे, काच ओरी में श्वान जेम। बले हिया फूट गधे रा साथी, त्यांने पूज्य समझावै केम।।
१९. जाबक फूटी तो चूक गयी रे, पूज्य उघाड़ै केम। चरण ग्रहो तो शल्य आभ्यन्तर, पूज्य काढ़े धर प्रेमा
२०. बोध रत्न सारां सिरे रे, भाख गया जगदीश। काल दु:खमय योग दु:खमय छै, श्री पूज्य करै बख्शीश।।
२१. इम मेवाड़ मरुधर देश में रे, पूज्य तणी प्रवेश। कच्छ हाड़ौती ढूंढाण में प्रभु, घाली धर्म नी रेंश।।
२२. शोभो कहे श्रीपूज्य जी रे, पूरै मन री खन्त। चार तीर्थ में मग्न भया छै, ज्ञान ध्यान में तन्त
२३. दीपक बिन मन्दिर किसो रे, साहिब बिन श्रृंगार। ज्यूं सतगुरु पूज्य बिना नरनार्यां रो, किसो मानव अवतार
२४. लख चौरासी भुगततां रे, पायो नर अवतार। शोभो कहे नर नारी चेतो, नहिं तो फिर चौरासी तैयार।।
२५. दश दृष्टान्ते दोहिलो रे, यह मानव अवतार। दश बोलां में आठ पाम्यो पण, दोय बिन गयो जमारो हारी
२६. सिरे कहो छो बुद्धि शोभनी रे, पण समकित बिन सर्व छार। पूज्य बिना चारों गति में शोभा री, हूंती खूब मनुहार।।
२७. शोभ तणा गुण साम्भली रे, देखण री अति आश। पूज्य बिना शोभो चिगथ्यो जातो, तो देवो पूज्य ने शाबास
२८. शोभो गुणचोर होवै नहीं रे, आयो बोध अमूल्य। म्हारे पूज्य जिसा जग माहीं, नहीं कोई पूज्य सम तुल्य
२९. पूज्य हमारे शिरधणी रे, शोभो पावन की खेह। म्हारे परदेशां ध्यान पूज्य रो भाई, ज्यों बादल में मेह।।
३०. साम्हे जल मच्छी चढ़ै रे, बूड्यो जात गजराज ज्यूं रीति राखो मोसूं चरण लागां री, सांवलिया गणिराज।।
३१. कविपणो करडो कियो रे, आगे बार अनन्त। शोभो कहे लेखे अबकै लाग्यो, मिलिया पूज्य महन्त।।
३२. अक्ल बे अक्ल शोभा री रे, आप लाीज्यो निभाय। कर्मयोगे 'शोभो' भक्ति भूले तो, मोने मतनां दीज्यो छिटकाय।।
Roman Transliteration
Bhikshu gun-stavan milyo phanda katan haro re, bijo nahin bharat majharo resh pujya bin ahal jamaro re, bhavijan! the kai haro re..
1. rajanagar bhantan thakan re, udhadi abhyantar ankh. sadhapnai ro janma kelve, pujya kadhyo dehi no bank..
2. desh videsh shri pujya ji re, katya bhavik nan phanda. veshdharyan man sun in vidhi aya, jyun kale badal man sun chanda
3. agni chashmo ravi samo kiyan re, haithe achhati uth jave ag. chashma jyaam vani vairagya bhavik re, jab hiyo jave jag
4. mithyatva phanda moto ghano re, phanda iso nahin koy. te phanda ne dur nivariyo to, pujya jisa kun hoy
5. satguru bin samkit nahin re, samkit bin nahin nem. nem bina Karm bohla bandhe, tharo ahal jamaro em..
6. rogi ro-rog dekhyan thakan re, karto dhanvantari nash. jun halukarmi ro mithyatva rog dekh nen, pujya kar deve turatvinash..
7. tikam dosi bodh bami gayo re, pad gayo ulati tan. shri pujyaji bodh shuru kar melyo, vego jato dise nirvan..
8. tikam kahe shri pujya ji re, udyot din kiyo muniray. shobho kahai purva jnan bina, ban sun puro kahyo nahin jayi
9. mevad marudhar man sun nikaliya re, saghu sadhviyan ra that. shravak shravika shri pujya ji re, kiya ghana gahghat..
10.phanda katan samartha ghanan re, alpa katavan har. chhate yog jiv hoy dheta, tyanne dai shobho dhikkar
11. pahila pakhndi im bhakhta re, nahin sadhapne men sandha. ab sadh chaude hoy gaya, the nahin mano to pura nirandha..
12. sono pital sarva ek chhai re, pila ri pratit. jyun bhekh dekhi ne bapda bhulya, sabko kahai santa atit..
13. sadhu lakshan sarva ehaman re, je bhakhya jagnath. patthar andhan nai de bhadkaya, te kimi avai hath
14. mantri mantri bhatha meltan re, dushman ri pratit. tasu koi sadhu nindai ne pakhandi vandai, kari andhavali rit..
15. thanne chhata sadhu sujhai nahin re, Karm patak liya gher. tharai abhyantar ankhan men khoti shraddha ri, veshdhari salai dini pher..
16. mat vachan sut sambhali re, undho grahe tin bar. jyun khar ri punchh grahi mudh bhulyo, jyun bhulya mudh ganvar
17. hathe hathakdi bedi gahno ginai re, jyun kadhe jyun rosh. khoti shraddha ro gahno kari baitha, hivai kiso Bhikhan ji ro dosh..
18. thanri bhasha ra the hi ajan chho re, kach ori men shvan jem. bale hiya phut gadhe ra sathi, tyanne pujya samjhavai kem..
19. jabak phuti to chuk gayi re, pujya ughadai kem. charan graho to shalya abhyantar, pujya kadhe dhar prema
20. bodh ratna saran sire re, bhakh gaya jagdish. kal du:khamay yog du:khamay chhai, shri pujya karai bakhshish..
21. im mevad marudhar desh men re, pujya tani pravesh. kachchha hadauti dhundhan men Prabhu, ghali Dharm ni rensh..
22. shobho kahe shripujya ji re, purai man ri khanta. char tirtha men magna bhaya chhai, jnan dhyan men tanta
23. dipak bin mandir kiso re, sahib bin shrringar. jyun satguru pujya bina narnaryan ro, kiso manav avatar
24. lakh chaurasi bhugattan re, payo nar avatar. shobho kahe nar nari cheto, nahin to phir chaurasi taiyar..
25. dash drishtante dohilo re, yah manav avatar. dash bolan men ath pamyo pan, doy bin gayo jamaro hari
26. sire kaho chho buddhi shobhni re, pan samkit bin sarva chhar. pujya bina charon gati men shobha ri, hunti khub manuhar..
27. shobh tana gun sambhali re, dekhan ri ati ash. pujya bina shobho chigathyo jato, to devo pujya ne shabas
28. shobho gunchor hovai nahin re, ayo bodh amulya. mhare pujya jisa jag mahin, nahin koi pujya sam tulya
29. pujya hamare shiradhni re, shobho pavan ki kheh. mhare pardeshan dhyan pujya ro bhai, jyon badal men meh..
30. samhe jal machchhi chadhai re, budyo jat gajraj jyun riti rakho mosun charan lagan ri, sanvliya ganiraj..
31. kavipno kardo kiyo re, age bar ananta. shobho kahe lekhe abakai lagyo, miliya pujya mahanta..
32. akla be akla shobha ri re, ap laीjyo nibhay. karmayoge 'shobho' bhakti bhule to, mone matnan dijyo chhitkay..