बीतै बीतै बीतै यूं ही उमर थांरी बीतै रे,
Bitai Bitai Bitai Yun Hi Umar Thanri Bitai Re,
516
बीतै बीतै बीतै यूं ही उमर थांरी बीतै रे, — Lyrics
बीतै बीतै बीतै यूं ही उमर थांरी बीतै रे, आत्मा रो सबल कुछ साधलै, रीतै रीतै रीतै आ सांसां री गागर रीतै रे, चिन्मय पद तूं आराधलै।।
इन्द्रियां रा भोग अन्त सारा ही है रोग रे, किंपाक फल ज्यूं विचार रे। धूप छाया री ज्यूं है संयोग अरु वियोग रे, इण में क्यूं राचै तूं गिवार रे।।1।।
काल खड्यो है माथै ऊपर गफलत में क्यूं सोयो रे, सूत्यां रा पाडा जणै मान लै। होकर के मदमत्त बावला विषयां में क्यूं खोयो रे, आंरी नश्वरता नै पहिचाण लै।।2।।
कर्मां रे बन्धन स्यूं जकड़ी आतमा आ थांरी रे, पायो दुख कित्तो तूं अज्ञान में। च्यार दिनां री रात च्यांदणी फेर घोर अंधियारी रे, कर तूं रमण शुभ ध्यान में।।3।।
भमतां भव अटवी में भागां स्यूं ओ नर तन पायो रे, इण री गरिमा नै थोड़ी ऑक तूं। आशा पूरक रतन अमोलक थार कर में आयो रे, काग उड़ावण मत का।।4।।
ओ मौको है 'विजय' अनोखो लाभ उठालै चोखो रे, बार-बार नहीं पावसी। यूं ही गंवा दियो तो रहसी मन में थारै धोखो रे, जन्म जन्म पछतावसी।।5।।
Roman Transliteration
bitai bitai bitai yun hi umar thanri bitai re, atma ro sabal kuchh sadhlai, ritai ritai ritai a sansan ri gagar ritai re, chinmay pad tun aradhlai..
indriyan ra bhog anta sara hi hai rog re, kimpak phal jyun vichar re. dhup chhaya ri jyun hai sanyog aru viyog re, in men kyun rachai tun givar re..1..
kal khadyo hai mathai upar gaphalat men kyun soyo re, sutyan ra pada janai man lai. hokar ke madamatta bavla vishyan men kyun khoyo re, anri nashvarta nai pahichan lai..2..
karman re bandhan syun jakdi atama a thanri re, payo dukh kitto tun ajnan men. chyar dinan ri rat chyandni pher ghor andhiyari re, kar tun raman shubh dhyan men..3..
bhamtan bhav atavi men bhagan syun o nar tan payo re, in ri garima nai thodi ok tun. asha purak ratan amolak thar kar men ayo re, kag udavan mat ka..4..
o mauko hai 'vijay' anokho labh uthalai chokho re, bar-bar nahin pavsi. yun hi ganva diyo to rahsi man men tharai dhokho re, janma janma pachhtavasi..5..