चन्दना का पारणा
Chandana Ka Parna
17
चन्दना का पारणा — Lyrics
म्हारै आंगण अब तो आओ जी, ओ म्हारा भगवान । बन्दी नै मुक्त बणाओजी, ओ प्यारा भगवान ।।
मैं पल—पल रटन लगाऊं, कद प्रभु रा दर्शन पाऊं । सोनेलो सूर्य उगाओ जी, ओ म्हारा भगवान ।
मैं खड़ी भावना भाऊं, ल्यो उड़द बाकला ल्याऊं । थोड़ो सो व्रत निपजाओ जी, ओ म्हारा भगवान ।।
मैं तीन दिनां स्यूं भूखी, देखो आ काया सूखी । मुरझी कलियां नै सरसाओ जी, ओ म्हारा भगवान ।।
मैं कद स्यूं शरणै बैठी, आखिर तक रहस्यूं मैंठी । क्यूं चन्दना नै तरसाओ जी, ओ म्हारा भगवान् ।
देखी हथकड़ियां बेड्यां, मुड़ चाल्या उण ही घड़ियां । क्यूं खाली हाथां जाओ जी, ओ म्हारा भगवान ।।
छल—छल आंसूड़ा आया, प्रभु पाछा कदम बढ़ाया । अब तो करुणा बरसाओ जी, ओ म्हारा भगवान ।।
सोनैया सुर बरसावै, कौशाम्बी हद हरसावै । भिक्षु स्थल में सुख पाओ जी, ओ म्हारा भगवान ।।
Roman Transliteration
mharai angan ab to ao ji, o mhara Bhagwan . bandi nai mukta banaoji, o pyara Bhagwan ..
main pal—pal ratan lagaun, kad Prabhu ra darshan paun . sonelo surya ugao ji, o mhara Bhagwan .
main khadi bhavna bhaun, lyo udad bakla lyaun . thodo so vrat nipjao ji, o mhara Bhagwan ..
main tin dinan syun bhukhi, dekho a kaya sukhi . murjhi kaliyan nai sarsao ji, o mhara Bhagwan ..
main kad syun sharnai baithi, akhir tak rahasyun mainthi . kyun chandana nai tarsao ji, o mhara bhagvan .
dekhi hathakdiyan bedyan, mud chalya un hi ghadiyan . kyun khali hathan jao ji, o mhara Bhagwan ..
chhal—chhal ansuda aya, Prabhu pachha kadam badhaya . ab to karuna barsao ji, o mhara Bhagwan ..
sonaiya sur barsavai, kaushambi had harsavai . Bhikshu sthal men sukh pao ji, o mhara Bhagwan ..