चन्दना री पुकार
Chandana Ri Pukar
18
चन्दना री पुकार — Lyrics
म्हारे मन्दिर में दिवलो जलाद्यो महावीर ! म्हांरी नावड़ली पार लगाद्यो महावीर ! मैं हूं जगत में दुःखियारी ।।
कष्टां री कहाणी जीवन, नाटकियै रो खेल है । फिर क्यूं सुख—दुःखरो मेळो मांड्यो, बीच म्हारा जीव ।।
राजा दधिवाहन हार्यो, नगरी लुंटाई । आयो महलां मैं दोड्यो, सैनिक एक शूरवीर ।।
माता महाराणी बैठी, धारणी एकान्त में । बोल्यो आवो झट दोन्यू म्हारै, साथ महाभाग ।।
हाथां स्यूं खींच जीह्वा, मौत नै बुलाई । हा ! हा ! मावड़ली चाली, टूट्या मोतीड़ां रा हार ।
कंपित कर स्युं बीण लकड्यां, चिता है जलाई । होवै भावी रै आगे सब री हार, म्हारा जीव ।।
जल्दी बताद्यो नाथ ! साथ कांई ल्याया । बोली तड़कै स्यूं सैनिक पत्नी, आय म्हारा नाथ ।।
काढ़ो काढ़ो बाहर इणनै, बेचद्यो बाजार में । म्हारे घर में नहीं इणरो, कोई काम म्हारा नाथ ।।
नगरी, कोशाम्बी लेग्यो, चौड़े रे बाजार में । आई लेवण नै गणिका, झट दौड़ विकराल ।।
कांई काम करणो पड़सी, पहली थे बताओ । करजै महलों में मौज, आतूं याम म्हारी बहन ।।
इतलै में धनाओ सेठ, आ गयो बाजार में । मनै चावै है चन्दना जैसी, बाल म्हारा बीर ।।
चांद जिस्यो चेहरो देख, चमकी सेठाणी । म्हारे घर में क्यूं ल्याया बोलो, सोत म्हारा सेठ ।।
मूलां रो मिजाज बिगड्यो, योजना बणाई । इणरी सुन्दरता करस्यूं सारी, नष्ट म्हांरा सेठ ।।
कमर तक लटकता केश, काट्या ले कतरणी । घाली हाथों में हथकड़ी, बेड़ी पैर मूलां मात ।।
भूमि घर में न्हाख, तालो मोटो सो लगायो । देखो निर्दय मूलां रा निन्दित, काम सारा लोक ।
महामंत्र सुमरै बैठी, भूखी प्यासी चन्दना । हा ! हा ! करमां स्यूं होग्या हाल—बेहाल म्हांरा जीव ।।
तीजै दिन धनावो आयो, पाई नहीं चन्दना । मैं तो बैठी हूं भूमि घर में, बन्द म्हारा तात ।
खावण उड़द बाकला दे, लुहार ल्यावण चाल्यो । आया इतलै में भिक्षा लेवण, वीर महावीर !
बारह बोल मिलग्या रहग्यो, बाकी एक तेरमो । घूम्या बढ़ता चरणां स्यूं पाछा, धीर महावीर !
मात—पिता स्यूं बिछुड़ी नाथ, बिकी मैं बाजार में । म्हारी कौण सुणैला, अब पीर महावीर !
आपरो आधार म्हारै, आपरो है शरणो । म्हारै आंगणिये आय, मत जाओ महावीर !
उड़द बाकला बहर प्रभुजी, गजगति चाल्या । बरस्या रत्न सोनैया अपरम्पार, आंगण मांय ।।
वीर संघ में पहली साध्वी, चन्दनबाला होवे । महिला जाति रो उज्ज्वल है, इतिहास महावीर !
Roman Transliteration
mhare mandir men divlo jaladyo Mahavir ! mhanri navadli par lagadyo Mahavir ! main hun jagat men duhkhiyari ..
kashtan ri kahani jivan, natkiyai ro khel hai . phir kyun sukh—duhkhro melo mandyo, bich mhara jiv ..
raja dadhivahan haryo, nagri luntai . ayo mahlan main dodyo, sainik ek shurvir ..
mata maharani baithi, dharni ekanta men . bolyo avo jhat donyu mharai, sath mahabhag ..
hathan syun khinch jihva, maut nai bulai . ha ! ha ! mavadli chali, tutya motidan ra har .
kampit kar syun bin lakadyan, chita hai jalai . hovai bhavi rai age sab ri har, mhara jiv ..
jaldi batadyo nath ! sath kani lyaya . boli tadkai syun sainik patni, ay mhara nath ..
kadho kadho bahar inanai, bechadyo bajar men . mhare ghar men nahin inaro, koi kam mhara nath ..
nagri, koshambi legyo, chaude re bajar men . ai levan nai ganika, jhat daud vikral ..
kani kam karno padsi, pahli the batao . karjai mahlon men mauj, atun yam mhari bahan ..
italai men dhanao seth, a gayo bajar men . manai chavai hai chandana jaisi, bal mhara bir ..
chand jisyo chehro dekh, chamki sethani . mhare ghar men kyun lyaya bolo, sot mhara seth ..
mulan ro mijaj bigadyo, yojna banai . inari sundarta karasyun sari, nashta mhanra seth ..
kamar tak latakta kesh, katya le katarni . ghali hathon men hathakdi, bedi pair mulan mat ..
bhumi ghar men nhakh, talo moto so lagayo . dekho nirday mulan ra nindit, kam sara lok .
mahamantra sumrai baithi, bhukhi pyasi chandana . ha ! ha ! karman syun hogya hal—behal mhanra jiv ..
tijai din dhanavo ayo, pai nahin chandana . main to baithi hun bhumi ghar men, banda mhara tat .
khavan udad bakla de, luhar lyavan chalyo . aya italai men bhiksha levan, vir Mahavir !
barah bol milagya rahagyo, baki ek termo . ghumya badhta charnan syun pachha, dhir Mahavir !
mat—pita syun bichhudi nath, biki main bajar men . mhari kaun sunaila, ab pir Mahavir !
aparo adhar mharai, aparo hai sharno . mharai anganiye ay, mat jao Mahavir !
udad bakla bahar prabhuji, gajagti chalya . barasya ratna sonaiya aparampar, angan many ..
vir Sangh men pahli Sadhvi, chandanbala hove . mahila jati ro ujjval hai, itihas Mahavir !