लाखां आंखडल्या माहि, प्रभुवर थांरी तस्वीर।
Lakhan Ankhadalya Mahi, Prabhuvar Thanri Tasvir.
1382
लाखां आंखडल्या माहि, प्रभुवर थांरी तस्वीर। — Lyrics
लाखां आंखडल्या माहि, प्रभुवर थांरी तस्वीर। थांरे परताप चालै, ठंडी समीर—देखो।।ध्रु.।।
थांरै अवदानां री गाथा, युग सदियां तक गासी। पौरुष साहस री क्हाणयां, यश अंबर तक पहुंचासी। लंबी, सूची अवदानां री ज्यूं, द्रौपदी रो चीर।।
अपने हाथां गढ़ी अनेक विभूत्यां, इं शासन में। बड़ा-बड़ा धींचालां ने भी, बांध्या अनुशासन में। जन-जन, मन में श्रद्धा री गहरी, खींच दी लकीर।।
धर्म-चक्र ले साथ देश रे, कोने-कोने जास्यां। थांरै बोयोड़ा बीजा स्यूं, मोतीड़ा निपजास्यां।। श्रम शम, समता री धारा स्यूं म्हैं, हरस्यां जन-जन पीर।।
महाप्रज्ञ, महाश्रमणी, महाश्रमण, थांरा लाडेसर। किंया करै है कुशल शासना, देखो आओ एकर्। होसी, जीसोरो दीन्हीं गण नै, अद्भुत नई नजीर।।
गण री पोर-पोर में, थांरो प्रभो! रक्त बैवे है। सांस-सांस में रम्या आप, ओझल हो कुण केवै है। गण रे, हिवडे में आप विराज्या, देखो चाहे चीर।।
Roman Transliteration
lakhan ankhadalya mahi, prabhuvar thanri tasvir. thanre partap chalai, thandi samir—dekho..dhru...
thanrai avadanan ri gatha, yug sadiyan tak gasi. paurush sahas ri khanyan, yash ambar tak pahunchasi. lambi, suchi avadanan ri jyun, draupdi ro chir..
apane hathan gadhi anek vibhutyan, in shasan men. bada-bada dhinchalan ne bhi, bandhya anushasan men. jan-jan, man men shraddha ri gahri, khinch di lakir..
Dharm-chakra le sath desh re, kone-kone jasyan. thanrai boyoda bija syun, motida nipjasyan.. shram sham, samta ri dhara syun mhain, harasyan jan-jan pir..
Mahapragya, mahashramni, Mahashraman, thanra ladesar. kinya karai hai kushal shasna, dekho ao ekar. hosi, jisoro dinhin gan nai, adbhut nai najir..
gan ri por-por men, thanro prabho! rakta baive hai. sans-sans men ramya ap, ojhal ho kun kevai hai. gan re, hivde men ap virajya, dekho chahe chir..