चेतानन्द प्रभु नै भजो
Chetananda Prabhu Nai Bhajo
565
चेतानन्द प्रभु नै भजो — Lyrics
चेतानन्द प्रभु नै भजो
चेतानन्द प्रभु नैं भजो धर प्यारी, तूं तो चिन्ता लहर निवारी। म्हारा मन! सतगुरु संगति धारी।।
मात पिता नैं कुटुम्ब कबीलो, और पतिव्रता नारी। स्वाथ जब सहु सार करत है, विन स्वारथ दे ठारी।।१।।
बान्धव भगिनी पुत्र पुत्रियां, मतलब केरी यारी। ते वच प्रभु का ते वच प्रभु का, मैं देख्या इण वारी।।२।।
साचा देव गुरु अरु समकित, झूठो सब संसारी। मैं सतगुरु को शरण लियो है, ओ झेलो अति भारी।।३।।
कुण कुण हवाल पड्या हरिचन्द में, बेच्या सुत अरु नारी। आप डूम घर दुष्कृत कीधा, तारामती पणिहारी।।४।।
सोलह सहस्र देशा रो साहब, बसुदेवनन्द मुरारी। बिन वारी मूवो 'बन मांही, न्यातीला नहीं आया लारी।।५।।
सती सीता नै ले गयो रावण, राम भया वन चारी। राजा महाराजां नैं कर्म कुदाया, तो थारी तो किसी चिकारी।।६।।
पाण्डव पांचूं चरम शरीरी, राज्य रमण ऋद्धि हारी। बारह वर्ष वन में दु:ख देख्या, तो गिणती किसी रे थारी।।७।।
धिक धिक झूठो रे जगत कहीजे, करामात नहीं कोई। भोला रे भमरा भूलै क्यों भाई, तैं देखी संसार सिधाई।।८।।
देख देख जग केरी जाला, भय भ्रान्त भमरो भारी। फंस्यो रे फास हूं किस विध निकसूं, धन्य दिन छूट सी लारी।।९।।
अथिर लक्ष्मी जवानी जीतब, झूठी सब मगरूरी। मान अहंकार करै ते भूला, ओ चमत्कार दिन च्यारी।।१०।।
वेद आतम सं. फाम शुक्ल पक्ष, सांबरीगंज मझारी। भिक्षु आदि पंडु पाट नमूं सहु, आनन्द होसी अपारी।।११।।
Roman Transliteration
chetananda Prabhu nai bhajo
chetananda Prabhu nain bhajo dhar pyari, tun to chinta lahar nivari. mhara man! satguru sangti dhari..
mat pita nain kutumba kabilo, aur pativrata nari. svath jab sahu sar karat hai, vin svarath de thari..1..
bandhav bhagini putra putriyan, matalab keri yari. te vach Prabhu ka te vach Prabhu ka, main dekhya in vari..2..
sacha Dev Guru aru samkit, jhutho sab sansari. main satguru ko sharan liyo hai, o jhelo ati bhari..3..
kun kun haval padya harichanda men, bechya sut aru nari. ap dum ghar dushkrit kidha, taramti panihari..4..
solah sahasra desha ro sahab, basudevananda murari. bin vari muvo 'ban manhi, nyatila nahin aya lari..5..
sati sita nai le gayo ravan, Ram bhaya van chari. raja maharajan nain Karm kudaya, to thari to kisi chikari..6..
pandav panchun charam shariri, rajya raman riddhi hari. barah varsha van men du:kh dekhya, to ginti kisi re thari..7..
dhik dhik jhutho re jagat kahije, karamat nahin koi. bhola re bhamra bhulai kyon bhai, tain dekhi sansar sidhai..8..
dekh dekh jag keri jala, bhay bhranta bhamro bhari. phansyo re phas hun kis vidh niksun, dhanya din chhut si lari..9..
athir Lakshmi javani jitab, jhuthi sab magruri. man ahankar karai te bhula, o chamatkar din chyari..10..
ved atam sam. pham shukla paksha, sambriganj majhari. Bhikshu adi pandu pat namun sahu, ananda hosi apari..11..