दृढ़ समकित धर थोड़ला
Dridh Samkit Dhar Thodla
608
दृढ़ समकित धर थोड़ला — Lyrics
दृढ़ समकित धर थोड़ला
दृढ़ समकित धर थोड़ला, समकित बिन शिव दूर, भवियण! भविक जीवां! तुमे सांभलो, पामै विरला शूर, भवियण! दृढ़ समकित धर थोड़ला।।१।।
समकित समकित कर रह्या, मर्म न जाणै कोय। जिण घट समकित परगमे, ते घट विरला होय।।२।।
जिण घट समकित रूपियो, उग्यो सूरज सार। तिण घट हूवो चांदणो, दूर गयो अन्धकार।।३।।
सर सर कमल न नीपजे, वन वन अगर न होय। घर घर सम्पत्ति न पामिये, जन जन पंडित न कोय।।४।।
गिरिवर गिरिवर गज नहीं, पोल पोल नहीं प्रासाद। कुसुम कुसुम परिमल नहीं, फल फल मधुर न स्वाद।।५।।
सबहि खान हीरा नहीं, चन्दन नहिं सब बाग। रत्न राशि जिहां तिहां नहीं, मणिधर नहीं सब नाग।।६।।
सबहि पुरुष शूरा नहीं, सगला नहिं ब्रह्मचार। नारी नहीं सर्व सुलक्खणी, बिरला गुण-भण्डार।।७।।
सगला गिरि सुवर्णमय नहीं, नहिं कस्तूरी ठामोठाम। सबही सीप मोती नहीं, केशर नहिं गामोगाम।।८।।
(लय : भाव धरी नित पालिये)
सबनै लब्धि न ऊपजै, सगला मुक्ति न जात। सगला सिंह न केशरी, साधू किहां किहां जमात।।६।।
तीर्थंकर चक्रवर्त नीं, पदवी बड़ी पिछाण। सगला जीव पामें नहीं, तिम पण समकित जाण।।१०।।
नवूं ही पदारथ माहिलो, ऊन्धो सरधै एक। तोहि मिथ्यात्वी मूलगो भूला भरम अमेक।।११।।
दशों ही मिथ्यात्व मांहलो बाकी रहै कदा एक। तोही गुणठाणो पहलो कह्यो, समझो आण विवेक।।१२।।
नव तत्व ओलख्या बिना, पहरै साधु रो भेष। समझ पड़ै नहि तेहने, भारी हुवै विशेष।।१३।।
लीधी टेक छोड़ै नहीं, कूड़ी करै पखपात। कुगुरां रा भरमाविया, बहुला बूडा जात।।१४।।
दान शील तप भावना, शिवपुर मारग च्यार। दान सुपात्र जाण्यां बिना, नहिं सरै गरज लिगार।।१५।।
नव तत्व सूधा धारियां, छुटै दशों ही मिथ्यात। समकित आवे इणविधे, मानो सूत्र नीं बात।।१६।।
देव गुरु मिश्र माने नहीं, मिश्र न माने जिन धर्म। यां तीनां नै जाणै निर्मला, मिट्यो तिणां रो भर्म।।१७।।
समकित आया नीपजै, साध श्रावक नो धर्म। शिव रमणी बेगी वरै, टूटे आठों हि कर्म।।१८।।
समकित बिन शुद्ध पालियो, अज्ञानपणै आचार। नव ग्रैवैयक ऊंचो गयो, नहिं सरी गरज लिगार।।१९।।
पाखंडियां संगत करै, जिण लोपी जिनवर आण! समकित जाय शंका पड्यां, नन्दन मणियारा जिम जाण।।२०।।
कामदेव अरणक जिसा, श्रावक दशूं ही बखान। देव डिगायां नहिं डिग्या, नि:शंक रह्मा दृढ़ जान।।२१।।
हाड मिंजां रंगी जेहनी, रुचिया प्रवचन सार। अरिहंत वचन अंगीकरै, धन्य त्यांरो अवतार।।२२।।
ज्ञान दर्शन चरित्र तप बिना धर्म न जाणो लिगार। इम साभल नर नारियां मन में कीज्यो विचार।।२३।।
Roman Transliteration
dridh samkit dhar thodla
dridh samkit dhar thodla, samkit bin shiv dur, bhaviyan! bhavik jivan! tume sambhlo, pamai virla shur, bhaviyan! dridh samkit dhar thodla..1..
samkit samkit kar rahya, marma n janai koy. jin ghat samkit paragme, te ghat virla hoya..2..
jin ghat samkit rupiyo, ugyo suraj sar. tin ghat huvo chandno, dur gayo andhakara..3..
sar sar kamal n nipje, van van agar n hoy. ghar ghar sampatti n pamiye, jan jan pandit n koya..4..
girivar girivar gaj nahin, pol pol nahin prasad. kusum kusum parimal nahin, phal phal madhur n svada..5..
sabhi khan hira nahin, chandan nahin sab bag. ratna rashi jihan tihan nahin, manidhar nahin sab naga..6..
sabhi purush shura nahin, sagla nahin brahmachar. nari nahin sarva sulakkhani, birla gun-bhandara..7..
sagla giri suvarnamay nahin, nahin kasturi thamotham. sabhi sip moti nahin, keshar nahin gamogama..8..
(lay : bhav dhari nit paliye)
sabnai labdhi n upajai, sagla mukti n jat. sagla sinh n keshri, sadhu kihan kihan jamata..6..
Tirthankar chakravarta nin, padvi badi pichhan. sagla jiv pamen nahin, tim pan samkit jana..10..
navun hi padarath mahilo, undho sardhai ek. tohi mithyatvi mulgo bhula bharam ameka..11..
dashon hi mithyatva manhlo baki rahai kada ek. tohi gunthano pahlo kahyo, samjho an viveka..12..
nav tatva olakhya bina, pahrai sadhu ro bhesh. samajh padai nahi tehne, bhari huvai vishesha..13..
lidhi tek chhodai nahin, kudi karai pakhpat. kuguran ra bharmaviya, bahula buda jata..14..
dan shil tap bhavna, shivpur marag chyar. dan supatra janyan bina, nahin sarai garaj ligara..15..
nav tatva sudha dhariyan, chhutai dashon hi mithyat. samkit ave inavidhe, mano sutra nin bata..16..
Dev Guru mishra mane nahin, mishra n mane Jin dharma. yan tinan nai janai nirmala, mityo tinan ro bharma..17..
samkit aya nipjai, sadh shravak no dharma. shiv ramni begi varai, tute athon hi karma..18..
samkit bin shuddha paliyo, ajnanapnai achar. nav graivaiyak uncho gayo, nahin sari garaj ligara..19..
pakhndiyan sangat karai, jin lopi jinavar an! samkit jay shanka padyan, nandan maniyara jim jana..20..
kamdev aranak jisa, shravak dashun hi bakhan. Dev digayan nahin digya, ni:shank rahma dridh jana..21..
had minjan rangi jehni, ruchiya pravachan sar. Arihant vachan angikrai, dhanya tyanro avatara..22..
jnan darshan charitra tap bina Dharm n jano ligar. im sabhal nar nariyan man men kijyo vichara..23..