देख आंसुड़ा री धार,
Dekh Ansuda Ri Dhar,
610
देख आंसुड़ा री धार, — Lyrics
देख आंसुड़ा री धार, चन्दना री सुण पुकार, पाछा आया है वीर प्रभु, कर्यो दासी रो उद्धार, दियो भावां नै आकार, तप्त धरती पर गिरी है मानो सावण री एवांर।।
चंदनबाला रै मन में आनन्द हिलोरा खावै है, भाव-भक्ति स्यूं उड़द बाकला प्रभुवर नै बहरावै है, तड़-तड़ टूट्या बन्धन सारा बणग्या तन सिणगार।।
आज अभागिन रो सौभाग्य खिल्यो प्रभु री करुणा पाकर, एक पलक में लांघ लियो सारी दुविधावां रो सागर, बाजी देव दुन्दुभि और हुई सोनैय्या री बौछार।।
मूर्च्छित प्राणां में ज्यूं फिर स्यूं नई चेतना आई है, सेठ धनावै रे आंगण में कल्पलता विकसाई है, गूंज रही है 'विजय' दशूं दिशि में प्रभुवर री जय जयकार।।
Roman Transliteration
dekh ansuda ri dhar, chandana ri sun pukar, pachha aya hai vir Prabhu, karyo dasi ro uddhar, diyo bhavan nai akar, tapta dharti par giri hai mano savan ri evanr..
chandanbala rai man men ananda hilora khavai hai, bhav-bhakti syun udad bakla prabhuvar nai bahravai hai, tad-tad tutya bandhan sara banagya tan singar..
aj abhagin ro saubhagya khilyo Prabhu ri karuna pakar, ek palak men langh liyo sari duvidhavan ro sagar, baji Dev dundubhi aur hui sonaiyya ri bauchhar..
murchchhit pranan men jyun phir syun nai chetna ai hai, seth dhanavai re angan men kalpalta viksai hai, gunj rahi hai 'vijay' dashun dishi men prabhuvar ri jay jaykar..