गुण घुंघरू छम छमा छम – तपस्या री अनुपम महिमा
Gun Ghunghru Chham Chhama Chham – Tapasya Ri Anupam Mahima
2964
गुण घुंघरू छम छमा छम – तपस्या री अनुपम महिमा — Lyrics
गुण घुंघरू छम छमा छम छण छण ण ण ण ण ण ण बाजै रै बाजे रै। तपस्या री अनुपम महिमा जन जन में राजै रै।।
निज रै तन स्यूं जंग जबर ओ, जीतै कोइक शूर। तप तलवार बजै हाडां पर, कायर भागे दूर।।
तपसी रे तो खेल तपस्या, तन रो निकळे तेल। वज्र जिसो मजबूत बण्यां ही, कटै कर्म री बेल।।
अमी, भीम, राम, शिव, कोदर, बड़ा तपस्वी नाम। अन्तर भावां स्यूं जो समरै, सरै अचिंत्या काम।।
घोर तपस्वी सुख सुखदाता, वृद्धि-सिद्धि दातार। अगम साहसी उगम जगावै, सब रा शुभ संस्कार।।
रंभा, जेतां, झूमां, मुक्खां, छोगां, वदना मात। चांदा, प्यारा, भूरां अणचां, पन्ना तपसण ख्यात।।
तुलसी चरण शरण में तीखो, तरूण तपस्वी संत। पारस नै पारस बणनो है, समतामय गुणवंत।।
योगक्षेम बरस में मिलगी, आ संता री ओळ। ‘बुद्ध’ भरी है मासखमणा पर, पारस! थांरी खोळ।।
Roman Transliteration
gun ghunghru chham chhama chham chhan chhan n n n n n n bajai rai baje rai. tapasya ri anupam mahima jan jan men rajai rai..
nij rai tan syun jang jabar o, jitai koik shur. tap talvar bajai hadan par, kayar bhage dur..
tapsi re to khel tapasya, tan ro nikle tel. vajra jiso majbut banyan hi, katai Karm ri bel..
ami, bhim, Ram, shiv, kodar, bada tapasvi nam. antar bhavan syun jo samrai, sarai achintya kam..
ghor tapasvi sukh sukhdata, vriddhi-siddhi datar. agam sahsi ugam jagavai, sab ra shubh sanskar..
rambha, jetan, jhuman, mukkhan, chhogan, vadna mat. chanda, pyara, bhuran anachan, panna tapasan khyat..
Tulsi charan sharan men tikho, tarun tapasvi sant. paras nai paras banno hai, samtamay gunavant..
yogakshem baras men milgi, a santa ri ol. ‘buddha’ bhari hai masakhamna par, paras! thanri khol..