तप घुंघरु बाजै रे
Tap Ghunghru Bajai Re
2658
तप घुंघरु बाजै रे — Lyrics
तप घुंघरु बाजै रे घुंघरु छम छमाछम, छण णण छणणण बाजै रे, बाजै रे। तपसी रै आंगणियै, शासण देव विराजै रै।।
1. तप स्यूं होवे निर्जरा, तप स्यूं कर्म खपाय। तप स्यूं बचगी द्वारिका, कह्यो सूत्र रे मांय।।
2. घोर तपस्वी धन्नो मुनिवर, काढ्यो तन रो सार। शालिभद्र भी करी तपस्या, मासखमण अवधार।।
3. कोदर, भीम, रामसुख तपसी, कर्यो करारो काम। झूम-झूम गुण-गाथा गावो, कटज्या कष्ट तमाम।।
4. घोर तपस्यी नाम कमायो, 'सुख मुनि' तप सिणगार। नीर बिना भोजन करयो, कई दिनां तक धार।।
5. तुलसी शासण में हुई, 'भूरां सती' सजोर। बारह मासी तप तप्यो, गुरु चरणां में घोर।।
6. तप रो ताप तपावै तन ने, तपज्या मनो विकार। साचो तपसी करै सदाही, क्रोध मान परिहार।।
7. घर में जद गंगा बहै, करल्यो आंगण साफ। मैली चादर धोयल्यो, मिटज्या मन रा ताप।।
Roman Transliteration
tap ghunghru bajai re ghunghru chham chhamachham, chhan nan chhananan bajai re, bajai re. tapsi rai anganiyai, shasan Dev virajai rai..
1. tap syun hove nirjara, tap syun Karm khapay. tap syun bachgi dvarika, kahyo sutra re many..
2. ghor tapasvi dhanno munivar, kadhyo tan ro sar. shalibhadra bhi kari tapasya, masakhaman avadhar..
3. kodar, bhim, ramsukh tapsi, karyo kararo kam. jhum-jhum gun-gatha gavo, katajya kashta tamam..
4. ghor tapasyi nam kamayo, 'sukh Muni' tap singar. nir bina bhojan karyo, kai dinan tak dhar..
5. Tulsi shasan men hui, 'bhuran sati' sajor. barah masi tap tapyo, Guru charnan men ghor..
6. tap ro tap tapavai tan ne, tapajya mano vikar. sacho tapsi karai sadahi, krodh man parihar..
7. ghar men jad ganga bahai, karalyo angan saph. maili chadar dhoyalyo, mitajya man ra tap..